Matthew 5:3 - De Beebaa Dabu

³ “E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Matthew 5:3 Iomraidhean Croise

2 Chronicles 33:12

Gai de masavaa huu oona ne duasala ai, gai ia ga dalodalo ange gi Tagi Maolunga dono Maadua i de bale, ma de hagamaolalo i mada luu mada o de Maadua o ono dubuna madagidagi.

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Chronicles 33:23

Aagai ia tee bei dagodo o dono damana go Manasseh, ia tee hagamaolalo ono lodo i mada luu mada o Tagi Maolunga; ia ne hai ga kii ange de lagolago ono haisala.

2 Chronicles 34:27

Go hiidinga koe ne dahuli oo lodo ga hagamaolalo i mada luu mada o de Maadua, i dau masavaa aau ne langona ai ana muna, e hai baasi ange ai gi de mommee nei ma ono dangada, ma hiidinga doo hagamaolalo i mada luoogu mada, ga ssae oo malo ma de dangi i ogu mada i mua — deenei ai, e hagadaba Tagi Maolunga: Au gu langona au muna.

2 Chronicles 7:14

gai noo ogu dangada e hagaingoo laa i dogu ingoo e hagamaolalo olaadeu lodo, ga dalodalo ma de aahe mai gi de au, gai ga tili alaadeu hegau baubau, gai au ga hagallongo alaadeu dalodalo mai i de langi, ga degi ange gi olaadeu haisala ga hagaieiangi delaadeu henua.

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

Psalm 1:1

E manuuia tangada e dee daudali i hagasaele a de gau baubau, be ago ange i dahulinga a de gau haisala, aabe e hagabuni ange gi de gau doo mee.

Psalm 112:1

Duuhia Tagi Maolunga! E manuuia tangada e madagu i Tagi Maolunga, ma de malangilangi mmao i ana hainga.

Psalm 128:1

E manuuia gilaadeu alodahi e maatagu i Tagi Maolunga, ma de seesee i ono haiava.

Psalm 146:5

E manuuia tangada go de Maadua o Jacob dono bale, gai dana tali hagalodolodo go Tagi Maolunga, dono Maadua,

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 34:18

Tagi Maolunga e hagabaa ange gi gilaadeu e daemaha olaadeu lodo, ma de hagaola gilaadeu gu deai selaadeu tali.

Psalm 41:1

E manuuia tangada e abodonu ange gi tangada hagaau aloha! Tagi Maolunga e hagaola naa ia i de masavaa oona e hai ngadaa ai.

Psalm 51:17

Gai denga sigidaumaha o de Maadua e lodo ai go de daemaha de lodo i baubau; de Maadua, koe e dee hagangadi mee de lodo e daemaha i baubau aama de dahuli de lodo.

Psalm 84:12

Tagi o denga hagabuulinga hebagi, e manuuia tangada e hagadonusia goe!

Proverbs 16:19

E danuaa ange doo lodo maolalo gai e noho i magavaa o de hagaau aloha, i dau vaevae goloa ne maua i de hebagi madali de gau hagamaolunga.

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Proverbs 8:32

Deenei ai, agu dama, goodou hagalaangona agu muna; e manuuia gilaadeu e daudali i ogu haiava.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Matthew 11:6

Gai e manuuia tangada e dee ahe dua i ogu hiidinga.”

Matthew 13:16

Gai goodou gu manuuia, go hiidinga oodou ganomada e gidee gai oodou dalinga e langona!

Matthew 19:14

Aagai Iesu ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de langi.”

Matthew 24:46

E manuuia tangada hai hegau a dono dangada aamua e gidee bolo ia gu hagassula ana muna i dono masavaa e humai ai!

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Matthew 8:11

Au e hai adu gi goodou: dangada soa e loomai naa i dua aama mai i dai ga nnoho madali Abraham, ma Isaac, aama Jacob i de nohoanga hodooligi o de langi.

Mark 10:14

Gai de masavaa huu a Iesu ne gidee ai de mee nei, gai ia gu bole, gai ia ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de Maadua.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Luke 22:29

gai au e gaavadu naa gi goodou dahi nohoanga hodooligi, bei de hai a dogu Damana gu gaamai ai laa hogi gi de au dahi nohoanga hodooligi,

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

John 20:29

Iesu ne hai ange gi de ia, “Koe ne hagadonusia donu huu i hiidinga koe gu gidee au. E manuuia tangada tigi gidee gai e hagadonusia!”

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

James 1:10

gai tangada lava gi duuhia dono hagamaolalo, go hiidinga ia e lilo naa donu bei de huaala.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Revelation 19:9

Gai tangada de langi ne hai mai gi de au, “Siia de mee nei: E manuuia gilaadeu e saalaa ange gi taonga hagahai bodu o Ssiibi Gauligi.” Ia ne hai mai hogi gi de au, “Muna nei ni muna abodonu nii de Maadua.”

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Revelation 3:17

Go hiidinga koe e hagadaba, ‘Au se dangada lava, au e hagadagadaga age, gai e deai donu se mee daudahi oogu e duasala ai.’ Koe e dee donu iho donu bolo koe e hai ngadaa ma de hagaaloha oo dagodo, ma de hagaau aloha, koe e dee gide ma teai oo malo.