Matthew 5:23 - De Beebaa Dabu

²³ Deenei ai, noo koe gu kave dau sigidaumaha gi de mommee o ssigidaumaha, gai koe gu manadua bolo doo daina e dahi ana mee e hai baasi adu ai gi de goe,

Matthew 5:23 Iomraidhean Croise

Genesis 41:9

Gai taane e haia mee unu a de hodooligi ne hai ange gi Pharaoh, “Anailaa nei gai au gu manadua ogu haisala.

1 Kings 2:44

Gai de hodooligi ga hai ange hogi gi Shimei, “Koe e iloo danuaa donu au hegau dee heohi alodahi ne hai ange gi dogu damana go David. Gai Tagi Maolunga gi suuia adu au hegau baubau.

Lamentations 3:20

Ogu lodo e manadua donu huu mee laa, ma de daemaha o ogu lodo.

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

Hosea 6:6

Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

Matthew 23:19

Goodou ni dangada donu dee kide! Dee hee de mee hagamogomogo, go de mee ngadi gaavange, aabe go de mommee o ssigidaumaha e haia laa ga dabu de mee ngadi gaavange?

Matthew 5:24

gai koe dugua dau mee ngadi gaavange i gaogao de mommee o ssigidaumaha, gai koe hannoo i mua hagadanuaa ina ooluu magavaa ma doo daina, gai koe ga aahe mai ga gaavange dau mee ngadi gaavange.

Matthew 8:4

Gai Iesu ga hai ange gi de ia, “Aude daalaa ange mee nei gi dahi dangada daudahi, gai koe hannoo hagaagona ange goe gi tangada haimeedabu, ma de hai ssigidaumaha gi bei dagodo muna a Moses, e hagadonu ai ⌊doo ieiangi⌋ i olaadeu daha.”

Mark 11:25

Gai de masavaa naa huu oodou e tuu ai ga dalodalo, gai goodou degi ange gi mee a dahi dangada gu haisala adu ai gi goodou, gai doodou Damana i de langi laa e degi adu naa hogi gi oodou haisala. [

Luke 19:8

Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.