Matthew 5:22 - De Beebaa Dabu

²² Aagai au e tala adu gi goodou, be goai e lili i dono daina, gai e hagamodu donu ono muna; gai e bei ai hogi, be goai e hai ange gi dono daina, ‘Raca’, gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.

Matthew 5:22 Iomraidhean Croise

Genesis 37:4

Gai ga gidee huu e ono daina daane ange laa bolo delaadeu damana e kii Joseph dono aloha ai i gilaadeu alodahi, gai gilaadeu gu kino i Joseph, gai gilaadeu gu dee maua i de pasa danuaa ange gi de ia.

Genesis 37:8

Gai ono daina daane ga ssili ange gi de ia, “Se muna abodonu go koe e dagina gimaadeu alodahi? Gai go koe hogi e aamua i odaadeu magavaa?” Gai gilaadeu gu kii ange donu delaadeu llili i de ia, i hiidinga o dana midi ma ana muna.

2 Samuel 16:7

Gai Shimei ne hagamalaia, ga hai ange, “Hannoo donu, hannoo donu, koe se daane daa dangada, ma teai oo haigamaiana!

2 Samuel 6:20

Gai David ne ahe mai ga hagamanuuia dangada i dono hale. Aagai Michal, tamaa hine a Saul, ne humai ga hedae ange gi de ia, ga hai ange, “Kona loo de mahamaha hegau a de hodooligi ne hai anailaa nei! Ia ne hagaui ono malo i madamada o denga haahine hai hegau o ono dangada hai hegau, bei dagodo o dahi vaivai daane!”

1 Kings 21:4

Gai Ahab ne hano gi dono hale, ia gu daemaha ma de lili, go hiidinga Naboth taane Jezreel ne hai ange, “Au e dee gaavadu gi de goe de mommee ne bolo mai gi de au i daho ogu maadua.” Gai Ahab ne hano ga dagodo i honga dono moenga ga huli gee mai i dangada, ia gu dee lodo e gaimee.

2 Chronicles 16:10

Gai Asa ne lili i taane e gidee mee e loomai i hiidinga o muna nei, gai ia ga hhao ia gi lo te hale pono. Gai Asa ne vaivai hai hogi hanu dangada i de masavaa laa.

2 Chronicles 19:5

Ia ne hili de gau hagamodu muna i honga de henua, i denga aduhale buibui alodahi o Judah.

Nehemiah 5:8

ga hai ange, “Gidaadeu ne hai hegau ange ga hagao mai odaadeu dangada de gau Ssuu gu hagao ange laa gi de gau henua gee. Aagai iainei goodou gu hagao gi daha oodou dangada, gai gilaadeu ga aahe ange ga hagao mai gilaadeu gi gidaadeu?” Gai gilaadeu gu dee mmuu, gu deai donu alaadeu muna e maua i de tala.

Psalm 109:3

Gilaadeu e duuli au i alaadeu muna hagabaubau, gilaadeu e hebagi mai gi de au, i teai hiidinga.

Psalm 14:1

Tangada lodo senga e hagadaba i ono lodo, “E deai donu se Maadua.” Gilaadeu alodahi e hakino gee, alaadeu hegau e hai e baubau; e deai donu se dangada e haia tanuaa.

Psalm 25:3

Gai gi deai donu se dangada e daalia adu goe e dogaa; aagai haia gi dookaa gilaadeu e hai baasi adu gi de goe i teai hiidinga.

Psalm 35:19

Koe gi dee dugua ange ogu hagadaumee gi tae olaadeu lodo i ogu hiidinga; koe gi dee dugua ange gilaadeu e kino i de au i teai hiidinga gi hagadabadaba ina mai olaadeu ganomada gi de au.

Psalm 37:8

Koe gi dee lili, gai dilia de bole; Koe gi dee manavasaa, go hiidinga e hano ga duu ange gi de baubau.

Psalm 49:10

Gai ia e gidee bolo tangada heiangi e magau, gai e bei ai hogi tangada lodo senga ma tangada e deai ana mee e iloo, gai gilaau e dugu ange olaau goloa lagolago gi hanu dangada gee.

Psalm 69:4

Gilaadeu e kino i de au, gai e deai donu hiidinga, e lagolago ange i ngaangaaulu o dogu biho; ogu hagadaumee e hadu muna i de au, gai e soa gilaadeu e hagatale de daa au gi magau. Gai gilaadeu e hai au gi hagaahe ange mee aagu tee gaiaa.

Psalm 7:4

noo au gu hai ange de baubau gi tangada e noho baba laa madali au, aabe au gu gaiaa mee a dogu hagadaumee i teai hiidinga,

Psalm 92:6

Tangada lodo senga e dee iloo mee nei, tangada senga e dee donu ange aagena,

Proverbs 14:16

Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

Proverbs 18:6

Muna a tangada lodo senga e hai ga hebagi dangada, gai ana muna e hai ga daia ia.

Jeremiah 17:11

Tangada e hagaduulia dono lava i hegau dee heohi, e bei dagodo o de manu lele go de partridge e baalasi laa ga masae denga ngago aana tee haanau. Gai de masavaa oona goi mmahi ai, gai gilaadeu ga tili ia, gai dono hagaodi e bei dagodo o tangada lodo senga.

Lamentations 3:52

E deai donu hiidinga a ogu hagadaumee e doolohi ai au, bei dagodo o dahi manu lele.

Daniel 3:13

Gai Nebuchadnezzar gu lili mmao, ga hagadaba bolo gi gaamai Shadrak, ma Meshak, aama Abednego. Gai gu gaamai denga daane laa gi mada i mua o de hodooligi,

Daniel 3:19

Gai Nebuchadnezzar gu kona mmao dono lili, gai ia ne hagaago ange dono lili gi Shadrak, ma Meshak, aama Abednego. Ia ne hagadaba bolo gi dahua de ahi gi hidu hanonga e mmahi ange ai.

Obadiah 1:10

Go hiidinga dau vaivai hai doo daina go Jacob, koe e dogaa naa donu, koe e oha ga maoha ga hano ai.

Obadiah 1:12

Gai e dee heohi dau hagangadi mee doo daina i de masavaa oona ne duasala ai, aabe go doo malangilangi i dangada o Judah i de masavaa olaadeu ne oohaa ina ai, aama doo basa hagamaolunga i de laangi olaadeu ne hai ngadaa ai.

Matthew 10:17

Goodou dagidiiloo iho goodou, go hiidinga dangada e gaavange naa goodou gi de hagabuulinga hagasaele, ma de hagailiili goodou i lodo olaadeu synagogue.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Matthew 12:24

Gai denga Pharisee gu langona e gilaadeu muna laa, gai gilaadeu ga hagataba, “Taane nei e hai gi hulo denga hagasaalunga baubau i ssauaa o Beelzebul, tagi o denga hagasaalunga baubau.”

Matthew 17:5

De masavaa o Peter e basa ai, gai tilo, dahi giliiga maalama gu haoli gilaadeu, gai dahi leo mai i lo te giliiga laa ga hagadaba, “Deenei dagu Dama Daane hagamogomogo, au e malangilangi i de ia. Goodou hagalaangona ana muna!”

Matthew 18:21

Aagai Peter ne humai ga ssili ange gi Iesu, “Tagi Maolunga, e hia hanonga oogu e degi ange ai gi dogu daina, noo ia gu haisala mai gi de au, e hidu hanonga?”

Matthew 18:35

Aanei hogi hegau a dogu Damana i de langi e hai adu gi goodou, noo goodou e dee degi ange gi haisala o oodou daina i oodou lodo.”

Matthew 23:15

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hulo gi mommee mmao i henua i lalo e hai ai dahi dangada gi daudali adu i goodou, gai goodou ga hai ia gi kii ange se dangada e baba ange gi de ahi i goodou.

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Matthew 26:59

Gai de gau haimeedabu maolunga ma de hagabuulinga hagasaele alodahi, ne ssala hanu dangada hagadonu hadu muna gi hagabaubau ina Iesu, gi maua ai e gilaadeu i de daa ia gi magau.

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Matthew 5:34

Aagai au e hai adu gi goodou, goodou e dee hai donu dahi hagatoo donu soe; e dee hilihili be e hai i de langi, i hiidinga go de mommee iai de nohoanga o de Maadua;

Matthew 5:44

Aagai au e hai adu gi goodou, aaloha ange gi oodou hagadaumee, gai dalodalo i gilaadeu e vaivai haia goodou,

Mark 14:55

Gai de gau haimeedabu maolunga ma de hagabuulinga hagasaele alodahi, ne ssala hanu mee e hagabaubau ai Iesu e daa gi magau; aagai gilaadeu tee gidee dahi mee daudahi.

Mark 15:1

Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.

Luke 12:5

Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia!

Luke 22:66

Taiao age gai gu hagabuni denga dagi, madali de gau haimeedabu maolunga ma de gau sisi. Gai gilaadeu ne dagi ia ga kave gi mada i mua o de hagabuulinga hagasaele.

John 11:47

Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai.

John 15:25

Gai de mee nei gu bei donu muna gu sisi laa, i lodo alaadeu hainga ma e hai ange, ‘Gilaadeu ne kino i de au, gai e deai donu hiidinga.’

John 7:20

Gai dangada ga hai ange gi de ia, “Dahi hagasaalunga baubau e noho i oo daha. Goai e hagataalea de daa goe gi magau?”

John 8:48

Gai de gau Ssuu ga hai ange gi de ia, “E heohi donu demaadeu hai adu bolo koe se dangada Samaria, gai de hagasaalunga baubau e noho i oo daha.”

Acts 17:18

Gai hanu dangada i de hagabuulinga e hagaingoo ange laa go de Epicurean ma Stoic ne hagadaumee ange gi de ia. Hanu ne ssili, “Ni muna aha hogi a taane vava de ngudu e tala nei?” Hanu ne hagataba, “Ia e agoago i dagodo o hanu diinonga gee.” Gilaadeu ne tala muna nei i hiidinga de agoago a Paul dagodo o Iesu ma de mouli age.

Acts 22:30

Gai tagi o denga daane hebagi ne lodo gi iloo e ia hiidinga a de gau Ssuu ne hagabaubau ai laa a Paul. Deelaa ai, de laangi i ono dua, gai ia ga tala a Paul ga hagasao mai, ma de aalu ga hagabuni mai de gau haimeedabu maolunga aama de hagabuulinga hagasaele alodahi. Gai ia ga gaamai a Paul ga hagaduu i olaadeu mada i mua.

Acts 23:1

Gai a Paul ne haaina de hagabuulinga hagasaele laa, ga hai ange, “Denga daina, au ne hagassula agu hegau i tagi o de lodo e gilimalali laa, i mada luu mada o de Maadua ga dae mai ai gi anailaa nei.”

Acts 24:20

Aabe koe e dugu ange denga daane nei gi daalaa adu, be se haisala aha alaadeu ne gide i ogu daha i de masavaa oogu ne duu ai i mada i mua o de hagabuulinga hagasaele,

Acts 4:15

Aagai dua delaadeu hai gilaau gi ssao gi hulo gee mai i daho de hagabuulinga hagasaele, gai gilaadeu ga pasa i olaadeu magavaa,

Acts 5:21

Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai. Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono.

Acts 5:27

Gai ga tae mai huu de gau tala, ga tuu i mada i mua o de hagabuulinga hagasaele, gai tangada haimeedabu maolunga ga ssili ange gi gilaadeu, ga hai ange,

Acts 6:12

Gai gilaadeu ga hagabasa dangada, ma denga dagi aama de gau sisi, gai gilaadeu ga poo Stephen ga kave gi mada i mua o de hagabuulinga hagasaele.

Acts 6:15

Gai de masavaa huu a dangada alodahi i de hagabuulinga hagasaele laa ne haaina ai ia, aagai gilaadeu gu gidee bolo luoono mada gu bei luu mada o tangada de langi.

Acts 7:37

Deenei de Moses ne hai ange laa gi de gau Israel, ‘De Maadua e hagasula age naa dahi pelaabisi moodou bei ogu dagodo.’

Romans 12:10

Goodou hagadau aaloha i de hagadau aaloha o denga daina, gai gi hagadau hagadubu.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

1 Corinthians 6:6

Aagai dahi daina e gaavange dono daina gi de hainga — gai mee nei e hai i madamada o dangada e dee hagadonusia.

Deuteronomy 15:11

Gai e hanu naa donu dangada hagaau aloha i honga de henua i masavaa alodahi. Deenei ai, au e hai adu gi goodou, goodou bale ange oodou daina, gu hagaau aloha laa ma de duasala i honga doodou henua.

Deuteronomy 16:18

Goodou hilia hanu dangada hagamodu muna ma hanu dagi i denga aamuli alodahi aama aduhale alodahi a Tagi Maolunga doodou Maadua gu dai gaavadu gi goodou, gai gilaadeu ga hagamodu ai muna o dangada i de heohi.

1 Thessalonians 4:6

Gai gi deai se goodou e haisala ange gi dono daina i de mee nei, go hiidinga Tagi Maolunga e hagao ange donu tangada e haia mee nei hugadoo, bei de hai amaadeu gu tala adu ai gi goodou, aama de agoago adu ai goodou i mua.

Titus 3:2

gilaadeu gi dee hagabaubau ina dahi dangada, gilaadeu gi dee hagadau mee, gai gi daudonu ma de abodonu ange gi dangada alodahi.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

James 2:20

Koe se dangada donu senga, koe e lodo gi hagaagona adu bolo de gai e deai laa ono hegau e deai donu ono haigamaiana?

James 3:6

De alelo e bei de ahi ula. Gai se mommee iai de baubau gu dugu madali mee i odaadeu angaanga, gai e hai ga hakino gee de angaanga alodahi, gai e haula ai mee alodahi, mai i de ahi o Gehenna.

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

1 Peter 3:9

Goodou gi dee hagao ina ange de baubau i de baubau, be go muna baubau i muna baubau. Aagai gi hagao ina ange de baubau i hagamanuuia, go hiidinga deenei doodou mee ne hagahi ange aagena, gi maua ai e goodou de manuuia.

1 John 2:9

Be goai e hagadaba bolo ia e seesee i de maalama aagai ia e kino i dono daina, gai ia goi noho donu huu i lo te gohu.

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

1 John 5:16

Noo koe e gidee doo daina gu haisala i de mee oona e dee magau ai, gai koe gi dangidangi ai, gai de Maadua ga hagamouli ai tangada bee nei — go de ia gu haisala i mee oona e dee maakau ai. E dahi donu haisala e magau ai tangada. Gai au e dee hai adu koe gi dalodalo i de mee nei.

Jude 1:9

Aagai de masavaa donu hogi o tangada de langi maolunga go Michael, ne hagadaumee ange ai gi de ia hagabaubau laa i de angaanga o Moses, gai ia tee basa hagamalaia donu ia i ana muna hagabaubau laa, aagai ne hai ange donu huu, “Tagi Maolunga gi hagaseegina goe!”

Revelation 20:14

Gai de mommee o de magau ma Hades gu tili ange gi lo te ahi e sali laa bei de vai. Deenei de lua magau.