Matthew 4:9 - De Beebaa Dabu

⁹ gai ia ga hai ange, “Au e gaavadu mee nei alodahi gi de goe, noo koe e duuduli ga ino gi lalo ga daumaha mai gi de au.”

Matthew 4:9 Iomraidhean Croise

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Proverbs 8:15

Go au, de heiangi o denga hodooligi e dagi ai, gai denga dagi e hagatuu ai denga hainga heohi,

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”

Matthew 26:15

ga ssili ange, “Ni aha oodou e hagao mai ai au noo au e gaavadu Iesu gi goodou?” Gai gilaadeu ne hagao ange ia i e matolu dibaa selevaa.

Matthew 4:10

Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

John 12:31

Iainei go de masavaa e hagamodu ai muna o henua i lalo nei; gai tagi o henua i lalo nei e tili naa gi tua.

John 13:3

Gai Iesu e iloo bolo Tamana gu gaavange gi de ia ssauaa e huahua ai mee alodahi, gai ia ne humai i daho de Maadua gai e ahe ange naa gi daho de Maadua.

John 14:30

Dua iainei gai au e dee tala adu naa donu gi goodou hanu mee lagolago; go hiidinga tagi o henua i lalo nei gu dai humai. Gai ia e deai donu sono sauaa e daohi ai au,

John 16:11

dagodo o de hagamodu muna, i hiidinga tagi o henua i lalo nei gu lava donu i de hagamodu ono muna.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

1 Timothy 3:6

Tagi gi dee se dangada se goodo dahuli ono lodo, ana vakaa ga hagasoenga hagamaolunga ia, gai ia gu duu ange hogi gi de hagaduasala o de ia hagabaubau ne doo ange laa aagena.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.