Matthew 4:19 - De Beebaa Dabu

¹⁹ Gai Iesu ne hai ange gi gilaau, “Gooluu daudali mai i de au, gai au ga hai gooluu gi ni daane e haangoda ina dangada.”

Matthew 4:19 Iomraidhean Croise

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Matthew 19:21

Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Matthew 4:18

De masavaa o Iesu ne seesee ai i gaogao de Vai o Galilee, gai ia ne hedae ange gi e dogolua hai daina daane, go Simon, dahi ono ingoo laa go Peter, ma dono daina daane go Andrew. Gilaau e tili delaadeu galauna i lo te vai laa, go hiidinga gilaau ni daane haangoda.

Matthew 4:20

De masavaa laa donu huu, gai gilaau ga dugu alaau galauna ga daudali ange i de ia.

Matthew 8:22

Aagai Iesu ne hai ange gi de ia, “Daudali mai i de au, gai dugua ange gilaadeu e maakau gi danumia alaadeu maakau.”

Matthew 9:9

Gai ga hano gee huu Iesu i kilaa, gai ia gu gidee dahi daane e noho i de mommee hagabudu taagisese, dono ingoo go Matthew. Gai Iesu ga hai ange gi de ia, “Daudali mai i de au.” Gai Matthew ga hidi age ga daudali ange i de ia.

Mark 2:14

Gai ga hano gee huu Iesu i kilaa, gai ia gu gidee Levi tama daane a Alphaeus, ia e noho i de mommee hagabudu taagisese. Gai ia ga hai ange gi de ia, “Daudali mai i de au!” Gai ia ga hidi age ga daudali ange i Iesu.

Luke 5:27

Dua mee laa gai Iesu ne hedae ange gi dahi daane, dono ingoo go Levi, ia e noho i de mommee hagabudu taagisese. Gai Iesu ga hai ange gi de ia, “Daudali mai i de au.”

Luke 9:59

Iesu ne hai ange hogi gi dahi, “Daudali mai i de au.” Gai taane laa ga hai ange gi de ia, “De Ia Aamua, dugua mai au e hano e danu dogu damana i mua.”

John 1:43

De laangi i ono dua, gai Iesu ne lodo e hano gi Galilee, gai ia gu hedae ange gi Philip, gai ia ga hai ange gi de ia, “Daudali mai i de au.”

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

John 21:22

Iesu ne hai ange gi de ia, “Noo au e lodo taane naa gi mouli ga dae ai gi dogu ahe mai, gai ni aha aau e hai ai? Koe daudali mai donu huu i de au!”

2 Corinthians 12:16

Aagai e heohi donu dagu tee hagahai ngadaa goodou i ogu hiidinga, aagai goodou e hagataba bolo au ne vaivai dagodo ga hagasenga ai goodou.