Matthew 4:10 - De Beebaa Dabu

¹⁰ Aagai Iesu ne hai ange gi de ia, “Satan, hano gee mai i ogu daha! Go hiidinga gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena!’ ”

Matthew 4:10 Iomraidhean Croise

1 Chronicles 21:1

Gai Satan ne hai baasi ange gi de gau Israel, ga hai David gi daulia de gau Israel.

De Beebaa go Job 1:12

Gai Tagi Maolunga ga hai ange gi Satan, “Au e gaavadu gi de goe ssauaa e hai ai be ni aha aau e lodo e hai ange gi ana mee alodahi. Gai koe e dee maua i de poo ange gi dono angaanga.” Gai Satan ga hano gee ai loo i mada luu mada o Tagi Maolunga.

De Beebaa go Job 1:6

Dahi laangi huu gai dama a de Maadua ne hagabuni mai gi mada luu mada o Tagi Maolunga, gai Satan ne humai hogi madali gilaadeu.

De Beebaa go Job 2:1

Dahi laangi ange gai denga dama a de Maadua ne loomai gi mada luu mada o Tagi Maolunga, aagai Satan ne humai hogi madali gilaadeu gi mada luu mada o Tagi Maolunga.

Psalm 109:6

Hilia ange dahi dangada baubau gi hai baasi ange gi de ia, gai dahi ono hagadaumee gi hagabaubau ina ia.

Exodus 23:25

Gai goodou gi daumaha mai gi de au, Tagi Maolunga doodou Maadua. Gai au ga hagamanuuia ai oodou gai ma vai unu, aama de kave gee denga hagadaagangaa magi alodahi mai i oodou magavaa,

Isaiah 30:22

Gai goodou e oha naa oodou diinonga gu haoli i selevaa, ma oodou diinonga gu haoli i goolo; gai goodou e tili naa mee nei bei de malo hakino gee e hai ai laa magi haahine, ga hai ange, “Hannoo i kinaa!”

Matthew 16:23

Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

Mark 1:13

Gai ia ne noho i de vao i e madahaa laangi, ga hagatale ai i daho Satan, ma de noho madali denga manu aada; gai denga dangada de langi ne loomai ga bale ange ia.

Luke 10:18

Iesu ne hai ange gi gilaadeu, “Au ne gidee de doo iho o Satan mai i de langi bei dagodo o de uila.

Luke 11:18

Gai noo Satan e hai baasi ange donu huu gi de ia, gai dee hee de hai e maua ai gi duu dono nohoanga hodooligi? Go hiidinga goodou e hagataba bolo au e hai gi hulo gee denga hagasaalunga baubau i ssauaa o Beelzebul.

Luke 13:16

Gai de hine nei se dama donu nii Abraham gai ne noodia e Satan i e madaangahulu ma valu ngadau; gai e dee kii ange laa de heohi de hai gi ilaage de hine nei mai i dono magi i de laangi o Sabbath?”

Luke 22:3

Aagai Satan ne ulu gi lodo o Judas dahi ono ingoo laa go Iscariot, go dahi i magavaa o tinoangahulu ma dogolua.

Luke 22:31

“Simon, Simon, Satan e lodo mmao e nonu goe bei dagodo o denga grain.

Luke 4:8

Aagai Iesu ga hai ange gi de ia, “Gu sisi e hai ange, ‘Koe gi daumaha ange gi Tagi Maolunga doo Maadua, gai go ia donu huu oou e hai hegau ange aagena.’ ”

John 13:27

Gai dua de gai a Judas tibaa pelaoaa laa, gai Satan gu ulu i ono lodo. Gai Iesu ga hai ange gi de ia, “Hagamoolau haia de hegau aau gu noho naa e hai.”

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

1 Corinthians 5:5

gai goodou dugua ange taane naa gi Satan e oha ai lodo o de angaanga, gai dono hagasaalunga gu maua de mouli i de laangi o Tagi Maolunga.

1 Corinthians 7:5

Tangada gi dee daohia dono angaanga i dono bodu, deelaa donu huu noo gilaau gu heloongoi i dahi masavaa bodobodo, bolo gilaau ga kave hanu masavaa e dalodalo ai, muli mai gai gilaau gi aahe ange gi hagahebaa, gi dee hagataalea ai goodou i Satan, i hiidinga goodou e dee maua i de daohi goodou gi dee hagahebaa.

2 Corinthians 11:14

Gai gidaadeu e dee llele donu odaadeu mouli i mee nei, go hiidinga Satan e hagadulagi ange donu hogi gi tangada de langi o de maalama.

2 Corinthians 12:7

Gai gu gaamai gi de au dahi mee e hagaduasala ai gi dogu angaanga, se mee mai i daho Satan e hagaduasala ai au, gi dee lodo maolunga ai au i hiidinga o mee lagolago gu hagaago mai laa gi de au.

2 Corinthians 2:11

gi dee kii ai Satan i gidaadeu; gai gidaadeu e iloo dagodo o ana hagatau baubau e hai.

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

James 4:7

Deenei ai, goodou hagallongo ange gi de Maadua. Hai baasi ange gi de ia hagabaubau, gai ia e savini naa donu ga hano gee mai i goodou.

Joshua 24:14

Gai goodou maatagu i Tagi Maolunga ma de daumaha ange gi de ia i de muna abodonu, ma de hai hegau ange gi de ia i de mee abodonu. Goodou dilia denga diinonga a oodou dubuna ne daumaha ange aagena i de baasi laa o Euphrates ma Egypt, aagai daumaha ange gi Tagi Maolunga.

1 Peter 5:9

Goodou hai baasi ange gi de ia ma de tuu gi makaga i de gai, i doodou iloo bolo oodou daina i henua i lalo alodahi e hagaduasala hogi bei oodou dagodo.

1 Samuel 7:3

Gai Samuel ga hai ange gi de gau Israel alodahi, “Noo goodou e aahe mai gi Tagi Maolunga i oodou lodo alodahi, gai goodou aau gee denga diinonga o de gau henua gee, ma tiinonga go Ashtaroth mai i oodou daha, ga dugu ange oodou lodo alodahi gi Tagi Maolunga, ma de daumaha ange donu huu gi de ia, gai ia ga hagaola goodou mai i de gau Philistia.”