Matthew 3:7 - De Beebaa Dabu

⁷ Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Matthew 3:7 Iomraidhean Croise

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Proverbs 28:4

Gilaadeu e dee daudali laa i de hainga e tuhi de gau baubau, gai dangada e daudali laa i de hainga e hai baasi ange gi gilaadeu.

Isaiah 59:5

Gilaadeu e hagamaasae ngago a denga labodo hagammau; ma de hai de hale o de neveneve. Be goai e gaina alaadeu ngago e magau donu, gai noo dahi alaadeu ngago e mahaa, gai dahi labodo hagammau gu maasae.

Jeremiah 51:6

Saavini hulo gee mai i Babylon! Tangada nei ma tangada nei gi hagaola ina dono mouli! Goodou gi dee maakau i hiidinga ono haisala. Deenei de masavaa a Tagi Maolunga e sui ange ai, aama de hagao ange ai de henua laa gi bei dagodo o ana hegau gu hai.

Jeremiah 6:10

Goai aagu e basa ange aagena ma de hagakana ange? Gai goai naa e hagalangona agu muna? Tilo, olaadeu dalinga gu pono, gai gilaadeu gu dee maua i de hagallongo. Tilo, muna a Tagi Maolunga gu ni mee hakadanga i olaadeu daha; gilaadeu e dee malangilangi ai donu.

Matthew 12:24

Gai denga Pharisee gu langona e gilaadeu muna laa, gai gilaadeu ga hagataba, “Taane nei e hai gi hulo denga hagasaalunga baubau i ssauaa o Beelzebul, tagi o denga hagasaalunga baubau.”

Matthew 12:34

Goodou dama a denga labodo hagammau! Dee hee doodou hai e maua ai i de tala hanu mee danuaa, gai goodou ni dangada baubau? Muna a tangada e hagaago mai donu mee i ono lodo.

Matthew 15:12

Ana dangada agoago ne loomai ga hai ange gi de ia, “Koe gu iloo bolo denga Pharisee gu llili i delaadeu langona au muna?”

Matthew 16:1

Hanu Pharisee ma Sadducee ne loomai e hagatale Iesu, gai gilaadeu ga hai ange, “Gimaadeu e llodo e tilo dahi hagailonga mai i de langi.”

Matthew 16:6

Iesu ne hai ange gi gilaadeu, “Goodou kana ange dagidiiloo goodou i mee hagahua a denga Pharisee ma denga Sadducee.”

Matthew 22:15

Gai denga Pharisee ne hulo ga hagasaele ange delaadeu hai e hagahaisala ai Iesu i ana muna.

Matthew 22:23

De laangi mau gai hanu Sadducee ne loomai gi ono daho, aanei gilaadeu e hagataba laa bolo e deai donu se mouli age. Gai gilaadeu ne ssili ange gi de ia,

Matthew 22:34

Gai denga Pharisee ne langona bolo Iesu gu hai ma gu dee mmuu denga Sadducee, gai gilaadeu ga hagabuni mai.

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Matthew 5:20

Au e hai adu gi goodou, noo oodou heohi e dee kii ange i heohi o de gau sisi ma denga Pharisee, gai goodou e dee ulu donu i de nohoanga hodooligi o de langi.

Mark 12:13

Gai gilaadeu ne hai hanu Pharisee ma hanu dangada e daudali ange laa i Herod, gi hulo gi hagalaangona muna a Iesu e hagabaubau ai ia.

Mark 12:18

Denga Sadducee ne loomai hogi gi ono daha; aanei gilaadeu e hagataba laa bolo e deai donu se mouli age ange. Gai gilaadeu ga ssili ange gi de ia,

Mark 8:15

Gai Iesu ga hai ange gi gilaadeu, “Goodou kana ange dagidiiloo goodou i de mee hagahua a denga Pharisee aama Herod.”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Luke 7:30

Aagai denga Pharisee aama de gau agoago o de hainga ne hagangadi mee de hagatau a de Maadua, gilaadeu tee babudaisi i daho John.

John 1:24

Gai dangada a denga Pharisee ne hai laa gi loomai

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

John 9:40

Gai hanu Pharisee i kilaa ne langona e gilaadeu ana muna, ga ssili ange gi de ia, “E aha, koe e hagadaba naa bolo gimaadeu e dee kide hogi?”

Acts 15:5

Aagai hanu Pharisee gu hagadonusia laa ne tuu age, ga hai ange, “Gidaadeu e tala ange gi denga Gentile bolo e heohi delaadeu tuu dagaholiage aama de daohi de hainga a Moses.”

Acts 20:31

Deenei ai, goodou dagitilo, ma gi manadua bolo ne dolu ngadau aagu tee helui ai de hagakana ange goodou i de laangi ma de boo aama de dangi.

Acts 26:5

Gai gu daulooloa donu delaadeu iloo, gai e maua donu e gilaadeu de tala hagadonu adu ogu dagodo, bolo au se Pharisee e dau ange gi de hagabuulinga e kona laa alaadeu hainga ange gi amaadeu hai daumaha.

Acts 5:17

Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa,

Romans 1:18

Gai de lili o de Maadua gu hagaago mai i de langi, e hagaduasala ai gilaadeu alodahi e dee hagadubulia de Maadua ma de gau baubau e buibuia laa gi dee sula de muna abodonu i alaadeu hegau baubau.

Romans 5:9

Deenei ai, go hiidinga gidaadeu gu hagaheohi i dodo o Klisdo, gai e kii ange naa donu dana hagaola mai gidaadeu i de lili ⌊o de Maadua⌋.

1 Thessalonians 1:10

gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Hebrews 6:18

gai luu mee nei e dee maua donu i de sui; de Maadua e dee maua donu i de hadu muna, deenei ai, gidaadeu gu mmuni laa i ono daha gu llodo mmahi i de daohi de tali hagalodolodo gu dagodo mai laa i odaadeu mada i mua.

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.