Matthew 3:6 - De Beebaa Dabu

⁶ ga babudaisi i daho John i ssaalingaa vai go Jordan ma de tala olaadeu haisala.

Matthew 3:6 Iomraidhean Croise

Ezra 10:1

Gai de masavaa o Ezra ne dalodalo ai ga tala olaadeu haisala, ma de dangi ga ino gi honga de gelegele, i mada i mua o de hale o de Maadua, gai ne soa daane ma haahine aama gauligi o Israel gu hagabuni mai gi kilaa; gai gilaadeu alodahi gu tangi mmao.

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

Proverbs 28:13

Tangada e hagamuunia ono haisala e dee hagadagadaga ange donu, aagai tangada e daalaa ma de tili ono haisala, de Maadua e abodonu ange naa gi de ia.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Daniel 9:4

Gai au ne dalodalo ange gi Tagi Maolunga dogu Maadua, ga tala omaadeu haisala, ga hai ange: “Dogu Ia Aamua, go koe de Maadua maolunga ma de hagamaatagu, gai se Maadua e daohia dana hagatoo donu hagaheloongoi, ange gi gilaadeu e aaloha i de ia ma de daudali i ana muna.

Leviticus 16:21

Gai Aaron gi dugua ange luoono lima gi honga de biho o de guudi mouli laa, ga tala baubau o de gau Israel i honga de manu laa, ma olaadeu dee heohi, aama olaadeu haisala alodahi, ga dugua ange gi honga de biho o de guudi laa, ga gaavange gi tangada gu baba ange laa e hai de hegau laa, gai ia ga hai gi hano gi de vao.

Leviticus 26:40

Aagai noo gilaadeu e tala olaadeu haisala ma haisala o olaadeu maadua madagidagi — delaadeu hai baasi mai gi de au, ma delaadeu tee hai hegau mai gi de au i de mee abodonu,

Numbers 5:7

gai ia gi daalaa dagodo o de baubau aana gu hai laa. Ia ga hagao ana mee ne hagadee heohi laa, ga hagapuni ange dahi diba i diba e lima gi mee laa, ga gaavange gi tangada oona ne haisala ange laa aagena.

Matthew 3:11

Au e babudaisi goodou i vai i de daahuli oodou lodo, gai de ia e humai i ogu dua e maolunga ange i de au; au e dee bau ange gi de aau ono mee vae. Ia e babudaisi naa goodou i de Hagasaalunga Dabu ma de ahi.

Mark 1:5

Gai dangada alodahi i de henua go Judea ma Jerusalem, ne hulo ga babudaisi i ono daha i ssaalingaa vai go Jordan, ma de tala olaadeu haisala.

Luke 1:16

Gai ia e hagaahe mai naa de gau Israel soa gi Tagi Maolunga delaadeu Maadua.

Luke 3:16

Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi.

Acts 1:5

Go hiidinga a John ne babudaisi i vai; gai e dee mmule naa donu gai goodou gu babudaisi i de Hagasaalunga Dabu.”

Acts 11:16

Gai au gu manadua muna a Tagi Maolunga e hagadaba ai laa, ‘John ne babudaisi i vai, gai goodou e babudaisi naa i de Hagasaalunga Dabu.’

Acts 19:18

Gai gu soa hogi dangada gu hagadonusia laa ga loomai ga tala dagodo o alaadeu hegau baubau gu hai.

Acts 22:16

Gai se aha aau e tali naa? Hidi age e babudaisi goe, ma de hai gi maatala oo haisala i doo dalodalo ange gi de ia.’

1 Corinthians 10:2

gilaadeu alodahi ne babudaisi gi daudali ange i Moses i lalo de hagausinga ma lo te vai,

Colossians 2:12

Gai de masavaa oodou ne babudaisi ai gai e bei goodou gu maakau ma de danu madali Klisdo, aagai gu mouli age ange hogi i doodou kai ange gi ssauaa o de Maadua, go de ia ne hagamouli ina age Klisdo i de magau.

Hebrews 6:2

ma hainga o de babudaisi, ma de dugu ange lima gi honga o tangada, ma de mouli age o de gau maakau, ma de hagaduasala e deai laa se ngado mai.

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

Joshua 7:19

Aagai Joshua ga hai ange gi Achan, “Dagu dama, au e hai adu gi de goe, koe gi hagamahamaha ina Tagi Maolunga, de Maadua o Israel, ma de tuhi ia; koe daalaa mai gi de au be se aha aau gu hai, aude hagamuunia donu i de au.”

1 Peter 3:21

Gai de babudaisi e hagadagodo ange gi de mee nei, go de babudaisi e hagamouli ai laa goodou iainei — e dee go de aau gi deai gelegele i odaadeu angaanga, aagai go de dangidangi ange gi de Maadua gi hagagilimalali ina tagi o de lodo, i hiidinga de mouli age o Iesu Klisdo,

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.