Matthew 28:7 - De Beebaa Dabu

⁷ Gai gooluu hagamoolau hulo daalaa ange gi ana dangada agoago bolo ia gu mouli age, gai tilo, ia gu hano i oodou mada i mua gi Galilee; go kilaa oodou e gidee ai ia. Tilo, au gu tala adu mee nei gi gooluu.”

Matthew 28:7 Iomraidhean Croise

Isaiah 44:8

Goodou aude bolebole, goodou aude maatagu. E aha, tee hagailoo ina e au ma de tala mee nei madagidagi loo? Go goodou ogu dangada hagadonu. E aha, e dahi ange maadua bei au? E deai, e deai ange donu se Baba mmahi; au e dee iloo bolo e dahi ange.”

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Matthew 24:25

Tilo, au gu tala adu gi goodou mee nei i mua de hai.

Matthew 26:32

Aagai dua naa huu dogu mouli age, gai au ga hano i oodou mada i mua gi Galilee.”

Matthew 28:10

Gai Iesu ga hai ange gi gilaau, “Gooluu aude maatagu; gooluu hulo hai ange gi ogu daina gilaadeu gi hulo gi Galilee; go kilaa alaadeu e gidee ai au.”

Matthew 28:8

Gai gilaau ne hagamoolau ga hulo gee mai i taanunga, gilaau gu maatagu gai gu malangilangi mmao. Gai gilaau ne saavini ga hulo e tala ange gi ana dangada agoago.

Mark 14:28

Aagai dua naa huu dogu mouli age, gai au ga hano i oodou mada i mua gi Galilee.”

Mark 16:10

Gai Mary ne hano ga tala ange gi gilaadeu nogo hulo saele madali Iesu, i de masavaa e hinangalosaa ai olaadeu lodo ma de tangi.

Mark 16:13

Gai gilaau ne aahe ga hulo ga tala ange gi olaau soa ange laa, aagai gilaadeu tee hagadonusia hogi alaau muna.

Luke 24:34

gilaadeu ne hai ange, “Ni muna abodonu, Tagi Maolunga gu mouli age, gai ia gu hakide ange hogi gi Simon!”

John 14:29

Au e tala adu mee nei gi goodou iainei i mua de hai, gi hagadonusia ai e goodou i de masavaa e hai ai.

John 16:4

Au gu tala adu de mee nei gi goodou, gi manadua ai e goodou i de dae mai de masavaa laa, bolo au gu tala adu mee nei gi goodou. Au tee tala adu de mee nei i taamada age, go hiidinga au goi noho huu i oodou daha.

1 Corinthians 15:4

ia ne danu, gai ne mouli age i dua e dolu laangi bei de hai gu sisi ai laa i de Beebaa Dabu,

1 Corinthians 15:6

Muli mai gai ia ne hakide ange hogi gi e limalau duumaa daina i dahi hanonga, de baasi soa o de gau nei goi mouli huu, aagai hanu gu maakau.