Matthew 28:3 - De Beebaa Dabu

³ Dagodo o tangada de langi laa e bei de uila, gai ono malo e tea bei denga snow.

Matthew 28:3 Iomraidhean Croise

Psalm 104:4

Ia ne hai denga madangi go ono dangada hagailoo, gai denga uila go ono dangada hai hegau.

Daniel 7:9

De masavaa aagu e haina adu ai mee laa, gai gu hagatau denga nohoanga, gai de Ia mai Madagidagi gu noho i dono nohoanga. Ono malo e tea bei snow; ono ngaangaaulu e tea bei huluhulu o ssiibi. Dono nohoanga e ula bei de ahi, gai denga hagasii iai e ula ai de ahi.

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

Matthew 28:4

Gai de gau hagaloosi gu bolebole ma de maatagu, gilaadeu gu bei dagodo o de gau maakau.

Mark 16:5

Gai gilaadeu ga hulo ga ulu gi lo te daanunga laa, gai gilaadeu gu gidee dahi dama daane e gahu i de malo tea lloa, ma e noho i de baasi madau; gai gilaadeu gu maatagu.

Mark 9:3

ono malo gu malamalama ma de tea mmao, tigi ai se dangada i henua i lalo ne maua i de hai gi tea hanu malo, bei dagodo de tea o ono malo.

John 20:12

gai ia ne gidee e dogolua dangada de langi e kahu i malo tea, gilaau e nnoho i de mommee ne hagadagodo ai laa de angaanga o Iesu, dahi i ulu gai dahi i vae.

Acts 1:10

Gai de masavaa alaadeu e tuu ai ma e kalo age gi lo te langi i de hano o Iesu, gai e dogolua dangada de langi e kahu i malo tea, gu tuu i olaadeu gaogao,

Revelation 10:1

Gai au ne gidee ange hogi dahi dangada de langi mmahi e hano iho mai i de langi. Ia e gahu i denga hagausinga, gai honga dono biho iai dahi umada, luoono mada e maalama bei de laa, gai luoono vae e bei denga duludulu e ula ai laa de ahi.

Revelation 18:1

Dua mee laa gai au ne gidee ange hogi dahi dangada de langi e hano iho i de langi, gai dono sauaa e laumalie mmao, gai henua i lalo alodahi gu maalama i dono mahamaha.