Matthew 28:2 - De Beebaa Dabu

² Gai tilo, gu kona de ngalungalue de henua, i hiidinga dahi dangada de langi o Tagi Maolunga gu hano iho ma gu hagadige gee de hadu e buibui ai laa de haitoga o taanunga, ga noho i honga de hadu laa.

Matthew 28:2 Iomraidhean Croise

Matthew 27:60

ga hagadagodo i lo te daanunga hoou aana gu hoda laa gi lo te baba, gai ia ga hagadige ange dahi hadu laumalie ga pono ai de haitoga, gai ia ga hano gee mai i kilaa.

Matthew 27:66

Gai gilaadeu ne hulo ga gaavange dahi hagailonga gi honga de hadu laa gi dee maua ai i de hhuge taanunga laa, ma de dugu hanu daane hagaloosi i kilaa.

John 20:1

Gai tahi laangi huu o de uvigi, gai Mary Magdalene ne hano gi taanunga i boo taiao donu huu, i de masavaa goi gohugohu ai de mee. Gai ia gu gidee bolo de hadu i ma te haitoga gu lava i de hagadige gee.

Acts 16:26

De masavaa laa donu huu gai gu ngalungalue de henua, gai de hale pono laa alodahi gu ngalungalue; ono abaaba alodahi gu maahuge, gai denga daula baalanga e noonooa ai laa dangada gu maatala.

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.

Revelation 11:19

Gai gu hhuge de temple o de Maadua i de langi, gai au gu gidee de ngavesi o dana hagatoo donu hagaheloongoi i lo tono temple. Gai gu labalaba mai ai denga uila, ma de nguu lo te moana i de babaa o denga hatuli, ma de ngalungalue o de henua, aama de too iho o denga dibadibaa haisi nnui.