Matthew 28:18 - De Beebaa Dabu

¹⁸ Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Matthew 28:18 Iomraidhean Croise

Psalm 89:19

Madagidagi gai koe ne hai ange gi oo dangada dabu i de midi hagaago ange, “Au gu bale ange dahi daane dau i de hebagi; Au gu hagaamua dahi dama daane i magavaa o dangada.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Proverbs 8:15

Go au, de heiangi o denga hodooligi e dagi ai, gai denga dagi e hagatuu ai denga hainga heohi,

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Matthew 26:64

Iesu ne hai ange gi de ia, “Koe e hagadaba bolo go au go ia. Aagai au e hai adu gi goodou, dua iainei gai goodou e gidee naa Tama a Tangada e noho i de baasi madau o de Ia Mmahi laa, ma de humai i honga giliiga o de langi.”

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

John 13:3

Gai Iesu e iloo bolo Tamana gu gaavange gi de ia ssauaa e huahua ai mee alodahi, gai ia ne humai i daho de Maadua gai e ahe ange naa gi daho de Maadua.

John 17:2

Koe gu gaavange gi de ia ssauaa i honga o dangada alodahi, gai ia ga gaavange ai de mouli e dee ngado mai gi gilaadeu alodahi aau gu gaavange gi de ia.

John 3:31

De ia ne hano iho laa i de langi e maolunga ange i dangada alodahi; gai de ia mai i henua i lalo se dangada henua i lalo, gai ia e basa i mee o henua i lalo. Gai de ia ne hano iho laa i de langi e maolunga ange i dangada alodahi.

John 3:35

Tamana e aloha i dana Dama Daane, gai gu dugu ange mee alodahi gi de ia.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

Romans 14:9

Deenei de hiidinga o Klisdo ne magau ai laa ma de mouli age ange, gai ia ga hai ai go Tagi Maolunga olaadeu e maakau aama gilaadeu e mouli.

1 Corinthians 15:27

Go hiidinga “de Maadua gu dugu mee alodahi gi lalo luoono vae.” Gai muna e hai ange laa, “mee alodahi gu dugu i ono lalo” gai gidaadeu e tonu ange, bolo de ia ne dugua ange mee alodahi gi lalo luoono vae e dee madali mee nei.

Colossians 2:10

Gai goodou gu hhao ma gu hoohonu i de mouli i lodo o Klisdo, go de biho o dagi alodahi ma gilaadeu iai ssauaa e dagi ai.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 2:8

Koe gu dugu mee alodahi i lalo luoono vae.” Gai dagodo o de dugu ange mee alodahi gi de ia, teai donu se mee daudahi a de Maadua tee dugu i lalo dono sauaa. Aagai iainei gidaadeu tigi gidee bolo mee alodahi gu dugu i lalo luoono vae.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.