Matthew 28:17 - De Beebaa Dabu

¹⁷ Gai de masavaa huu alaadeu ne gidee ai ia, gai gilaadeu ga daumaha ange gi de ia; gai hanu gilaadeu ne llodo lagolago.

Matthew 28:17 Iomraidhean Croise

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 45:11

gai de hodooligi ga malangilangi i doo mahamaha. Koe gi ino ange gi de ia, i hiidinga go ia doo dangada aamua.

Matthew 16:28

Ni muna abodonu aagu e hai adu nei gi goodou: e hanu donu dangada e tuu i kinei e dee maakau ga dae ai gi delaadeu gidee Tama a Tangada e humai i dono nohoanga hodooligi.”

Matthew 28:9

Gai tilo, Iesu gu hedae ange gi gilaau, ga hai ange, “De laangi danuaa.” Gai gilaau ga hulo ga poo luoono vae ga daumaha ange gi de ia.

Mark 16:11

Aagai de masavaa alaadeu ne langona ai bolo Iesu gu mouli age, gai Mary gu gidee ia, gai gilaadeu tee hagadonusia ana muna.

Mark 16:13

Gai gilaau ne aahe ga hulo ga tala ange gi olaau soa ange laa, aagai gilaadeu tee hagadonusia hogi alaau muna.

Mark 16:14

Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Acts 1:3

Ia ne hagaago ange gi gilaadeu i hanonga lagolago bolo ia gu mouli age abodonu, i dua dono hagaduasala, ma de hakide ange gi gilaadeu i e madahaa laangi, ga agoago ange gilaadeu i dagodo o de nohoanga hodooligi o de Maadua.

1 Corinthians 15:6

Muli mai gai ia ne hakide ange hogi gi e limalau duumaa daina i dahi hanonga, de baasi soa o de gau nei goi mouli huu, aagai hanu gu maakau.