Matthew 27:4 - De Beebaa Dabu

⁴ ga hai ange, “Au gu haisala i dagu gaavange tangada e deai ono haisala e daa gi magau.” Gilaadeu ne hai ange gi de ia, “Gai ni aha amaadeu e hai ai? Diiloo be dee hee dau hai e hai ai!”

Matthew 27:4 Iomraidhean Croise

1 Kings 21:27

De masavaa huu a Ahab ne langona ai muna laa, gai ia ga ssae ono malo, ga gahu i denga malo daladala, ma de hagahiigai, ga dagodo i lodo malo daladala ma de seesee saele gu daemaha.

2 Kings 24:4

ma hiidinga o dangada tigi haisala aana ne daa ga maakau. Ia ne hagadohu Jerusalem alodahi i dodo o dangada aana ne daa, gai Tagi Maolunga tee degi ange gi de ia.

De Beebaa go Job 13:4

Aagai goodou e haoli goodou i oodou muna hhadu; goodou alodahi ni dangada hai magi dee haigamaiana!

De Beebaa go Job 16:2

“Au gu langona mee lagolago bee nei i mua; goodou alodahi e dee iloo donu de hagaaneane dahi!

Psalm 94:21

Gilaadeu e hagabuni e hai baasi ange gi tangada heohi, ma de hagamodu e daa gi magau tangada e dee haisala.

Exodus 12:31

Gai Pharaoh ne aalu Moses ma Aaron i de boo laa ga hai ange, “Gooluu ma de gau Israel, hulo gee mai i omaadeu daha ma ogu dangada. Goodou hulo daumaha ange gi Tagi Maolunga bei doodou hai gu dangidangi mai ai naa.

Exodus 9:27

Gai Pharaoh ga aalu Moses ma Aaron ga hai ange gi gilaau, “Au gu haisala donu i de hanonga nei; Tagi Maolunga e heohi, gai go gimaadeu ma dogu huaadangada ne baubau.

Proverbs 12:8

Dangada e tuhi tangada maanetonu, aagai dangada e kino i tangada maanadu baubau.

Jeremiah 26:15

Gai goodou gi iloo bolo noo goodou e daa donu au gi magau, gai de baubau nei e dau adu donu gi goodou, ma de aduhale nei aama ono dangada. Go hiidinga ni muna abodonu, go Tagi Maolunga donu ne haia nei au gi humai, gi daalaa adu muna nei alodahi gi langona e goodou.”

Jonah 1:14

Gai gilaadeu ne tangi ange gi Tagi Maolunga, ga hai ange, “Tagi Maolunga, gimaadeu e dangidangi adu, koe gi dee daia gimaadeu gi maakau i demaadeu daa ga magau taane nei, Tagi Maolunga, koe gi dee hagabuuia mai de magau o taane nei gi gimaadeu, go hiidinga koe gu hai donu gi bei oo lodo.”

Matthew 27:19

Gai de masavaa o Pilate ne noho ai i honga dono nohoanga hagamodu muna, gai dono bodu ne aalu mai, ga hai ange, “Aude haia ange dahi mee daudahi gi taane heohi naa, go hiidinga au gu kona dogu duasala anailaa nei i ono hiidinga, i dagu midi.”

Matthew 27:54

De masavaa o tagi o de lau ma denga daane hebagi madali ia, e hagaloosia ange laa Iesu ne gidee ai de ngalungalue o de henua ma mee alodahi gu hai laa, gai gilaadeu gu maatagu mmao, ga hagataba, “Ni muna abodonu, taane nei go Tama Daane donu a de Maadua!”

Luke 23:22

Aagai Pilate ga ssili ange gi gilaadeu i tolu hanonga, “Gai se baubau aha donu a taane nei gu hai? Au tee gidee dahi mee daudahi e heohi ai dono daa gi magau! Deenei ai, au ga hagaduasala nei ia i mua dagu dugu ia gi hano.”

Luke 23:41

Gidaau e heohi donu taau kave de hagaduasala nei, e hagao ai adaau hegau baubau. Gai taane nei teai donu sana mee dee heohi daudahi ne hai.”

Luke 23:47

De masavaa huu a tagi o de lau ne gidee ai de mee laa, gai ia ga tuhi de Maadua, ga hagadaba, “Ni muna abodonu, taane nei se dangada heohi.”

John 19:7

De gau Ssuu ne hai ange gi de ia, “E dahi amaadeu hainga, gai de hainga laa gu hagamodu bolo ia e magau, i hiidinga ia e hagadaba bolo ia go Tama Daane a de Maadua.”

Acts 13:28

Gilaadeu tee gidee dahi mee daudahi e heohi ai de daa o Iesu gi magau, aagai gilaadeu ne dangidangi ange gi Pilate gi daia donu ia gi magau.

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

1 Timothy 4:2

Gai agoago nei e loomai i daho de gau hadu muna, go gilaadeu gu maaga tagi i olaadeu lodo i de baalanga ula.

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

1 Peter 1:19

aagai goodou ne hagao i dodo hagamogomogo o Klisdo, ssiibi gauligi e deai laa mee baubau i dono angaanga.

1 John 3:12

Gidaadeu gi dee bei dagodo o Cain, ia se dama nii de ia hagabaubau, gai ia ne daa ga magau dono daina daane. Gai aahee hiidinga aana ne daa ai dono daina ga magau? Go hiidinga ana hegau e baubau, gai hegau a dono daane e heohi.

Revelation 11:10

Gai dangada e nnoho i henua i lalo gu malangilangi i olaau hiidinga, gai gilaadeu ga daonga ga malangilangi aama de hagadau gaavange mee ngadi gaavange, i hiidinga go luu pelaabisi laa ne hidi mai ai de duasala o dangada e nnoho i henua i lalo.

1 Samuel 15:24

Gai a Saul ne hai ange gi Samuel, “Au gu haisala, gai au gu hagahaisala muna a Tagi Maolunga aama au muna, i hiidinga au ne madagu i denga daane hebagi, gai au ga hagallongo ange gi gilaadeu.

1 Samuel 15:30

Gai a Saul ga hai ange, “Ni muna abodonu au gu haisala. Gai koe hagadubu ina donu huu au i madamada o denga dagi o dangada ma de gau Israel alodahi. Ahe mai madali au, gai au ga daumaha ange ai gi Tagi Maolunga doo Maadua.”

1 Samuel 19:5

Ia ne hagangadi mee dono mouli i de masavaa aana ne hano ai ga daa taane Philistia laa, gai Tagi Maolunga ne hai ga kii Israel alodahi. Gai koe ne malangilangi i de masavaa aau ne gidee ai mee laa. Gai gu aha gu lodo ai naa goe e daa David gi magau, gai tigi ai donu sana baubau ne hai?”