Matthew 27:29 - De Beebaa Dabu

²⁹ ga bini dahi hau i hanu manu duiduia ga hagauda ange gi honga dono biho, ma de hai ia gi daohia dahi dogo i dono lima madau, gai gilaadeu ga duuduli i ono mada i mua ga hagammae manava ai ia, ga hai ange, “De laangi danuaa, e de hodooligi o de gau Ssuu.”

Matthew 27:29 Iomraidhean Croise

Psalm 69:7

I hiidinga au gu hagadogaa ina i oo hiidinga, gai au gu haoli luoogu mada i hiidinga de kona dogu dogaa.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Jeremiah 20:7

Tagi Maolunga, koe gu daahanga donu au, gai au gu senga hogi; koe e mmahi ange i de au, gai koe gu kii i de au. Dangada e kada i de au i laangi alodahi; gilaadeu alodahi e doo mee i de au.

Matthew 20:19

gai e gaavange naa ia gi denga Gentile gi doo mee i de ia ma de hagailiili aama de daudau ia i de laagau lui. Gai de hagadolu laangi naa huu gai ia gu mouli age.”

Matthew 26:49

Aagai ia ne humai gi Iesu ga hai ange, “Tangada Agoago, de ahiahi danuaa!”, gai ia ga oso Iesu.

Matthew 27:37

Gai gilaadeu ne hagapigi age gi ulu dono biho de mee oona ne hagabaubau ina ai, gai ne sisi ga hai ange, “Deenei Iesu, de Hodooligi o de gau Ssuu.”

Mark 15:17

Gai gilaadeu ga hakahu ange ia i dahi malo purple, ga bini dahi hau manu duiduia ga hagauda ange gi honga dono biho.

Mark 15:18

Gai gilaadeu ga daamada de hagaboo ange gi de ia, ga hai ange, “De laangi danuaa, de hodooligi o de gau Ssuu!”