Matthew 27:14 - De Beebaa Dabu

¹⁴ Aagai Iesu e dee basa ange donu gi de ia, deelaa ai, de goobenaa gu lele mmao ono mouli.

Matthew 27:14 Iomraidhean Croise

Psalm 71:7

Dogu mouli se hagailonga ange gi dangada soa, aagai go koe dogu mommee buibui makaga.

Isaiah 8:18

Tilo, gimaadeu ma dama a Tagi Maolunga gu gaamai gi de au ni hagailonga gai se ada ange gi Israel, mai i daho Tagi o denga hagabuulinga hebagi, go de ia e noho i honga de mounga go Zion.

Zechariah 3:8

Nnoho mai hagalaangona, Joshua, tangada haimeedabu maolunga, ma oo soa e nnoho madali goe, go hiidinga gilaadeu ni hagailonga niio mee e loomai: tilo, au e hai naa gi humai dogu dangada hai hegau go de Uli o David.

Matthew 26:63

Aagai Iesu e dee muu ange donu. Gai tangada haimeedabu maolunga ga hai ange, “Au e hai adu gi de goe i de ingoo o de Maadua e mouli laa, daalaa mai gi gimaadeu be go koe de Klisdo, Tama Daane a de Maadua.”

Matthew 27:12

Aagai de masavaa a de gau haimeedabu maolunga ma denga dagi ne hagabaubau ai ia, gai Iesu tee basa ange donu gi alaadeu muna.

Matthew 27:13

Aagai Pilate ne ssili ange gi de ia, “Koe e dee langona naa alaadeu muna lagolago e hagabaubau ai naa goe?”

Mark 15:5

Aagai Iesu e dee basa ange donu, gai Pilate gu lele ono mouli.

Luke 23:9

Herod ne lagolago ana muna ne ssili ange gi Iesu, aagai Iesu tee basa ange donu gi dahi ana muna.

John 19:9

gai ia ga ulu ange hogi gi lo te hale ga ssili ange gi Iesu, “Go hee oou ne humai ai?” Gai Iesu tee basa ange donu.

1 Corinthians 4:9

Gai e dagodo be de Maadua gu dugu gimaadeu, de gau tala, gi de hagaodi hugadoo, bei dagodo o dangada gu hagamodu e daa gi maakau i madamada o dangada alodahi; de gau henua i lalo ma de gau de langi aama dangada alodahi.