Matthew 27:1 - De Beebaa Dabu

¹ Taiao age, gai de gau haimeedabu maolunga alodahi ma denga dagi ne hagabuni ga hagasaele delaadeu hai e daa ai Iesu gi magau.

Matthew 27:1 Iomraidhean Croise

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

Psalm 31:13

Au e langona dangada soa e hagadau musumusu i de au; de mee hagamaatagu gu dagodo i mommee alodahi; gilaadeu gu buni e hai baasi mai gi de au ma de hai dahi hagatau e daa ai au gi magau.

Psalm 71:10

Go hiidinga ogu hagadaumee e pasa i de au; gilaadeu gu hagasaele de hai e daa ai au gi magau

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Matthew 23:13

“E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e pono de nohoanga hodooligi o de langi i dangada. Goodou e dee ulu ai, aagai goodou e buibui hogi dangada e llodo laa e ulu ai! [

Mark 15:1

Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.

Luke 13:1

De masavaa laa gai e hanu i magavaa o dangada ne tala ange gi Iesu dagodo o de gau Galilee a Pilate ne daa laa ga maakau, ga hilo ange olaadeu dodo gi alaadeu sigidaumaha.

Luke 22:66

Taiao age gai gu hagabuni denga dagi, madali de gau haimeedabu maolunga ma de gau sisi. Gai gilaadeu ne dagi ia ga kave gi mada i mua o de hagabuulinga hagasaele.

John 18:28

Gai boo taiao donu huu gai gilaadeu ga dagi mai Iesu i de hale o Caiaphas ga kave gi de Praetorium, go de hale o de goobenaa. Gai de gau Ssuu tee ulu gi lo te mommee laa, kana dee gilimalali naa gilaadeu ga dee maua i de gaimee i Taonga Hagasili.

Acts 5:21

Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai. Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono.

Judges 16:2

Gai de gau Gaza gu langona bolo Samson gu humai. Gai gilaadeu ne hulo ga mmuni i gaogao de haitoga o de aduhale, i denga boo laa alodahi, ga tali ai ia, ma de hagataba, “Gidaadeu ga tali gi maalama age de mee, gai gidaadeu ga daa ia gi magau.”

1 Samuel 19:11

De boo laa gai a Saul ne kave hanu daane gi de hale o David gi dagidiiloo ai gi daia ia gi magau i taiao age. Gai Michal, de bodu o David ga hai ange gi de ia, “Noo koe e dee hano e mmuni aaboo nei, gai koe e daa naa gi magau daiao.”