Matthew 26:72 - De Beebaa Dabu

⁷² Gai Peter ga hagadee iloo muna laa ma de hai dahi hagatoo donu soe, ga hai ange, “Au e dee iloo donu taane naa!”

Matthew 26:72 Iomraidhean Croise

Exodus 20:7

Aude hagangadi mee ina de ingoo o Iahweh doo Maadua, go hiidinga Tagi Maolunga e hagahaisala donu tangada e hagangadi mee ina dono ingoo.

Isaiah 48:1

Dangada o Jacob, goodou hagalaangona muna nei, go goodou gu hagaingoo ange go Israel, gai ne hagadili i daho Judah, goodou e hagatoo donu i de ingoo o Tagi Maolunga, ma de dagudagu de Maadua o Israel, aagai e dee se muna abodonu aabe e hai i de heohi.

Zechariah 8:17

Goodou aude hagasaelea de hagadau hai de baubau i oodou magavaa, goodou aude llodo e hai denga hagatoo donu hadu muna, go hiidinga au e kino i mee nei alodahi,” go Tagi Maolunga e hagadaba.

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Matthew 26:71

Gai de masavaa oona ne sao ai ga hano gi honga de velanda, gai dahi damaa hine hai hegau ange laa ne gidee ia, gai ia ga hai ange gi dangada e tuu i kilaa, “Taane nei se daane donu madali Iesu taane Nazareth.”

Matthew 26:73

Muli mai gai hanu dangada e tuu laa i kilaa, ne loomai ga hai ange gi de ia, “Ni muna abodonu, koe se daane donu madali gilaadeu, go hiidinga doo hai e basa ai e hagaago mai doo mommee ne humai ai!”

Matthew 26:74

Aagai ia ga daamada de hagamalaia donu huu ia ma de hagatoo donu, ga hai ange, “Au e dee iloo donu taane naa!” De masavaa laa donu huu gai gu goo de gaagoo daane.

Luke 22:34

Iesu ne hai ange gi de ia, “Peter, au e hai adu gi de goe, i mua de goo o de gaagoo daane ailaa nei, gai koe e hagadee iloo naa donu au i e dolu hanonga.”