Matthew 26:7 - De Beebaa Dabu

⁷ gai dahi hahine ne humai ma dahi manu alabaster iai vai hagamanongi hagao ngadaa mmao, gai ia ga llingi ange gi honga dono biho, i de masavaa oona e hakaogao ai ma e gaimee i teebele.

Matthew 26:7 Iomraidhean Croise

2 Kings 9:1

Gai Elisha ga hagahi dahi mai i de hagabuulinga o denga pelaabisi, ga hai ange gi de ia, “Hagabigibigi age oo malo gi doo daogubu, mage gaavee dahi manu lolo madali goe hannoo ai gi Ramoth i Gilead.

Psalm 133:2

Gai e bei de lolo hagamogomogo e llingi ange laa gi honga de biho o Aaron, ga sali iho gi honga dono gumigumi, ma de loiho gi honga de kala o dono malo.

Ecclesiastes 10:1

Denga lango maakau e hai ga pilo de vai hagamanongi, gai de lodo senga damaa mee e daemaha ange ono dagodo i de heiangi ma de hagadubu.

Ecclesiastes 9:8

Gahu i malo tea, gai hagasulu ina doo biho i lolo i masavaa alodahi.

Song of Songs 1:3

Doo vai hagamanongi e manongi danuaa; doo ingoo e bei de lolo manongi gu llingi laa, deelaa ai, denga damaa hine e aaloha i de goe.

Isaiah 57:9

Goodou ne hulo gi daho Molek ma denga lolo olive ma de hai gi lagolago oodou vai hagamaanongi. Goodou ne hai gi hulo oodou dangada sui gi tae gi denga mommee mmao, ma de hai gi loiho hanu gi tae gi de mommee o de gau maakau.

Matthew 26:8

Aagai ga gidee huu e ana dangada agoago mee laa, gai gilaadeu gu llili, ga hagataba, “Gu aha gu moumou ai nei de vai nei?

Mark 14:3

De masavaa o Iesu e hakaogao ai ma e gaimee i teebele i de hale o Simon i Bethany, go taane nogo magi lebelaa i mua, gai dahi hahine ne humai ma dahi manu alabaster iai vai hagamanongi e hai i nard gai e hagao ngadaa mmao, gai ia ga hhoa de manu laa ga llingi ange gi honga dono biho.

Luke 7:46

Koe tee hagasulu dogu biho i de lolo, aagai de hine nei gu hagasulu luoogu vae i de vai manongi.