Matthew 26:38 - De Beebaa Dabu

³⁸ Gai ia ga hai ange gi gilaadeu, “Au gu daemaha mmao ogu lodo, gai gu baa ange donu gi de magau; goodou nnoho i kinei dagitilo ai madali au.”

Matthew 26:38 Iomraidhean Croise

Psalm 116:3

Denga daula o de magau gu vini au; de hagaduasala o de magau gu haoli au; gai au gu dee baba ma de manavasaa.

Psalm 42:5

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola

Song of Songs 5:3

Au gu lava i de hagaui dogu malo; e aha, ga ahe ange au e gahu? Au gu lava i de hhui luoogu vae; e aha, ga ahe ange au e hai gi gelegele luoogu vae?

Isaiah 53:10

Aagai se hagatau nii Tagi Maolunga, de hagammae ia ma de hagaduasala ia, gai dono mouli ne hai ai ssigidaumaha o tagasala. Deelaa ai, ia e gidee naa ono hagadiilinga soa, ma de lagolago ono laangi e mouli ai; gai de hagatau a Tagi Maolunga e hagasula naa i ono daha.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Matthew 25:13

Deenei ai, goodou dagitilo, go hiidinga goodou e dee iloo donu de laangi aabe go de aoaa laa.

Mark 14:34

Gai ia ga hai ange gi gilaadeu, “Au gu daemaha mmao ogu lodo, gai gu baa ange donu gi de magau; goodou nnoho i kinei dagidiiloo ai.”

John 12:27

“Ogu lodo gu daemaha mmao iainei. Gai aahee naa agu muna e tala ange? ‘Tamana, hagaola ina mai au i de aoaa nei’? E deai, gai aanei donu ogu hiidinga ne duu ange ai nei gi de aoaa nei.

Romans 8:32

De Maadua tee daohi donu dana Dama i gidaadeu, aagai ne gaavange ia e daa gi magau i odaadeu hiidinga alodahi, gai e dee kii ange laa dana mau i de gaamai mee alodahi gi gidaadeu madali dana Dama?

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.