Matthew 25:43 - De Beebaa Dabu

⁴³ au se dangada henua gee gai goodou tee abodonu mai gi de au, au teai ogu malo gai goodou tee hakahu au; au ne magi ma de noho i lo te hale pono gai goodou tee loomai gi ogu daha.’

Matthew 25:43 Iomraidhean Croise

De Beebaa go Job 31:19

noo au ne gidee dahi dangada e duasala i teai ono malo, aabe se dangada hagaau aloha e deai sono mee e gahu ai;

Jeremiah 23:2

Gai e hagadaba Tagi Maolunga de Maadua o Israel, i dagodo o de gau hagaloosi e diiloo ange ogu dangada: “Go hiidinga goodou gu dugu agu ssiibi gi hulo, tee tilo ange gilaadeu, au e hagaduasala naa goodou i hiidinga oodou hegau baubau, go Tagi Maolunga e hagadaba.

Ezekiel 22:29

Dangada e nnoho i honga de henua e hai hegau hagasenga ma de gaiaa. Gilaadeu e vaivai hai de gau hagaau aloha ma gilaadeu e duasala, aama de gau henua gee.

Matthew 25:36

Au teai ogu malo gai goodou ne hakahu au; au ne magi gai goodou ne loomai ga tilo mai au; au ne noho i lo te hale pono, gai goodou ne loomai gi ogu daha.’

Matthew 25:42

Go hiidinga au ne saalohia gai goodou tee haangai mai au; au ne hieunu gai goodou tee haaunu au;

Matthew 25:44

Gai gilaadeu e ssili ange naa, ga hai ange, ‘Tagi Maolunga, go ana hee amaadeu ne gidee ai bolo koe gu saalohia be gu hieunu, be gu se dangada henua gee, be gu deai oo malo, be gu magi, aabe gu noho i lo te hale pono, gai gimaadeu tee abodonu adu gi de goe?’

Acts 15:36

Dua hanu laangi, gai a Paul ne hai ange gi Barnabas, “Gidaau ga aahe e hulo gi daho denga daina i denga aduhale hugadoo odaau gu agoago ai laa muna a de Maadua, e tilo ai hogi be aahee olaadeu dagodo.”

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

Hebrews 13:3

Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

Judges 19:15

Gai gilaadeu ne nnoho i kilaa i de boo laa. Gai gilaadeu ne hulo ga nnoho i lo te duu malaelae i lo te aduhale laa, gai teai donu se dangada ne gaavee gilaadeu gi sseni i dono hale i de boo laa.