Matthew 24:49 - De Beebaa Dabu

⁴⁹ gai ia ga daamada de daa ono soa hai hegau ma de gaimee ma de unu madali gilaadeu e unu ga ssenga,

Matthew 24:49 Iomraidhean Croise

Proverbs 23:20

Aude hagabuni ange gi gilaadeu e unumia uvaini lagolago, aabe go de gau aagai e gaina laa kano manu;

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Ezekiel 34:3

Goodou e gai denga kiliisi, ma de kahu i huluhulu o denga ssiibi, gai e daa denga ssiibi gu haangai ma gu pedi, aagai goodou e dee hagaloosi ange donu denga ssiibi.

Micah 3:5

E hagadaba Tagi Maolunga: “Dagodo o denga pelaabisi e hagasengalia laa ogu dangada, noo dangada e haangai ange gilaadeu, gai gilaadeu ga hagataba, ‘De baba gi dagodo i oo daha;’ noo tangada e dee haangai ange gilaadeu, gai gilaadeu ga hagadabena e hebagi ange gi de ia.

Matthew 18:28

Aagai ga sao huu taane hai hegau laa ga hano, gai ia gu hedae ange gi dahi dangada hai hegau, e muli ange laa gi de ia i e lau denarius, gai ia ga poo ia ga kumi dono ua, ga hai ange, ‘Hagao ina mai au muli.’

Matthew 24:48

Gai noo tangada hai hegau baubau laa e hagadaba i ono lodo, ‘Dogu dangada aamua e mmule naa donu de ahe mai,’

Matthew 24:50

gai tangada aamua o tangada hai hegau laa e humai naa, i de laangi aana e dee maanadu ai bolo ia e humai, ma de aoaa aana e dee iloo laa.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

John 2:10

ga hai ange gi de ia, “Dangada alodahi e gaavange uvaini danuaa hugadoo gi dangada i mua, gai de masavaa naa huu o dangada gu ssenga ai, gai gilaadeu ga dugu mai uvaini dai dee danuaa laa. Aagai koe ne dugu uvaini danuaa hugadoo gi de hagaodi!”

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

2 Corinthians 11:20

Gai goodou e dugu ange naa donu dahi dangada gi haia goodou gi ni dangada hai hegau, be e vaivai hai goodou, be dagudagu adu oodou mee e hai, be e hagamaolunga i goodou, aabe e hagailiili oodou ganomada.

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

1 Peter 5:3

Goodou gi dee ni dagi bei gilaadeu e dagudagu ina ange dangada i olaadeu lalo, gai goodou gi ni mee hagaago danuaa ange gi denga ssiibi.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

Revelation 13:7

Gai gu gaavange ssauaa gi de manu laa gi hebagi ange ai gi dangada o de Maadua, ma de hagadee kii gilaadeu. Gai gu gaavange gi de ia ssauaa e dagi ai denga aamuli alodahi, ma denga huaadangada, ma dangada e pasa i denga hagadaagangaa muna, aama denga huaahenua alodahi.

Revelation 16:6

Go hiidinga dangada gu daa oo dangada dabu aama denga pelaabisi, gai koe gu hai gilaadeu gi unumia dodo, gai e heohi donu delaadeu hagaduasala i mee nei.”

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

1 Samuel 2:29

Gai gu aha goe gu hagangadi mee ai naa dagu sigidaumaha, ma dagu mee ngadi gaavange? Gai gu aha goe gu hai ai naa gi kii ange luaau dama daane dau hagadubu i de au, ma de hai gi pedi goodou i mee danuaa hugadoo, mai i sigidaumaha alodahi a ogu dangada, go de gau Israel?’