Matthew 24:35 - De Beebaa Dabu

³⁵ De langi ma henua i lalo e llilo naa donu, aagai agu muna e dee llilo donu.

Matthew 24:35 Iomraidhean Croise

Psalm 102:26

Mee nei e llilo naa donu, aagai koe e noho ga hano ai; gilaadeu e hulo naa ga duai bei de malo. Koe e sui naa gilaadeu bei de malo laa daha, gai gilaadeu e tili gee naa.

Psalm 119:89

Tagi Maolunga, au muna e dee ngado mai donu, gai e dee sui naa donu i de langi.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Psalm 89:34

Au e dee oha naa donu dagu hagatoo donu hagaheloongoi, aabe e sui agu muna gu lava i de tala.

Proverbs 30:5

Muna hugadoo a de Maadua e heohi abodonu; gai ia e bei de mee hungihungi e buibui ai gilaadeu e mmuni i ono daha.

Isaiah 34:4

Denga heduu alodahi i lo te langi e llilo naa, gai de langi e hhedu naa bei de beebaa mulo; denga hagabuulingaa heduu alodahi e too iho naa, bei denga lau manu mmae o de grapevine, ma lau manu mmae o de fig.

Isaiah 40:8

Denga helii e mmae, denga huaala e malili, aagai muna a taadeu Maadua e daakodo ga hano ai.”

Isaiah 51:6

Goodou kalo age diiloo lo te langi, ma de tilo honga henua i lalo; de langi e lilo naa bei de useahi, gai henua i lalo e hano naa ga duai bei de malo, gai dangada i kilaa e maakau naa bei denga lango. Aagai dagu hagaola e dagodo naa donu huu ga hano ai, dogu heohi e dee maoha naa donu.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Isaiah 55:11

gai e bei ai hogi, muna e tala i dogu ngudu e dee ngadi aahe mai donu gi de au, aagai e hagassula ogu mee e lodo ai, ma de hai gi bei mee alodahi aagu gu tala ange gi haia.

Daniel 4:28

Mee nei alodahi ne hai ange gi de hodooligi go Nebuchadnezzar.

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Matthew 5:18

Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.

Mark 13:31

De langi ma henua i lalo e llilo naa donu, aagai agu muna e dee llilo donu.

Luke 21:33

De langi ma henua i lalo e llilo naa donu, gai agu muna e dee llilo donu.

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

1 Peter 1:25

aagai muna a Tagi Maolunga e daakodo ga hano ai.” Gai aanei muna o de longo danuaa gu agoago adu gi goodou.

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Revelation 3:14

“Gai siia ange muna nei gi tangada de langi o de nohoanga dabu i Laodicea: Aanei muna a de Amen, go de ia e hai hegau laa i de mee abodonu, gai se ia tala hagadonu abodonu, gai go ono daha ne daamada mai ai mee alodahi a de Maadua ne hai.

Revelation 6:14

Gai de langi gu aau gee ga mulo bei dagodo o de beebaa mulo. Gai denga mounga ma denga modu alodahi gu hagangaalue gee mai i olaadeu duulanga.