Matthew 24:31 - De Beebaa Dabu

³¹ Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Matthew 24:31 Iomraidhean Croise

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Psalm 67:7

De Maadua e hagamanuuia naa gidaadeu; gai henua i lalo alodahi e maatagu naa i de ia!

Psalm 81:3

Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.

Exodus 19:16

Gai taiao huu o de hagadolu laangi, gai gu babaa denga hatuli ma de labalaba denga uila, gai de hagausinga maadolu gu haoli de mounga laa, gai gu kona de nganangana de ili o de hanga manu. Gai dangada alodahi i de mommee nnoho gaainga gu bolebole i delaadeu maatagu.

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Isaiah 43:6

Au e hai ange naa gi denga henua i ngaiho, ‘Dugu gilaadeu gi loomai!’ Au e hai ange naa gi henua i ngaage, ‘Goodou aude daohia gilaadeu.’ Hagaahea mai agu dama daane ma damaa hine mai i henua i lalo alodahi —

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Isaiah 49:18

Dangage age ma gi diiloo; au dama alodahi gu hagabuni mai gi oo daha. Au e hagatoo donu i dogu mouli, go Tagi Maolunga e hagadaba, “Koe e hai naa gilaadeu alodahi bei mee hagalaagii aau e dau laa; koe e dau naa gilaadeu bei mee hagalaagii o de hine gu dai hai bodu.

Isaiah 60:4

Dangage age ma gi galogalo saele mage diiloo: gilaadeu alodahi gu hagabuni e loomai gi oo daha. Au dama daane e loomai naa i de mommee mmao, gai au damaa hine e saabai i honga dono dege.

Daniel 7:2

Daniel ne hai ange, “Au ne hai dahi midi i de boo; gai au ne gidee denga madangi e haa i dege o de langi e hagabeabeau tai laumalie.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Zechariah 2:6

“E vakaa naa! E vakaa naa! Saavini hulo gee mai i de henua i ngaiho, go Tagi Maolunga e hagadaba. Au ne hai gi mavaevae goodou gi denga madangi e haa o de langi, go Tagi Maolunga e hagadaba.

Zechariah 6:5

Tangada de langi laa ne hai mai gi de au, “Aanei denga madangi e haa o de langi ne ssao mai laa i dua delaadeu hulo gi mada i mua o de Ia Aamua o henua i lalo alodahi.

Zechariah 9:10

Au e hai naa gi deai hada hebagi o Ephraim ma hoosa hebagi i Jerusalem, ma de hhadi de mee hholu e hai ai de hebagi. Ia e hai naa gi noho paba denga huaahenua; gai ia e dagi naa mai i tai ga dae ai gi tai ange laa, ma mai i ssaalingaa vai go Euphrates, ga dae ai gi de bido laa o henua i lalo.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Matthew 13:41

Tama a Tangada e hai naa gi hulo ana dangada de langi gi hagabudulia gi gaavee gee mai i dono nohoanga hodooligi mee alodahi e hidi mai ai de haisala, ma gilaadeu alodahi e haia de baubau.

Matthew 24:22

Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili.

Matthew 24:24

Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Matthew 24:32

“Gai haia gi iloo e goodou dagodo o de fig. De masavaa naa huu e balabala ai ono laa gai gu matili age ono lau, gai goodou gu iloo bolo gu baa mai de masavaa mahanahana.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Mark 13:27

Gai ia e hai naa ana dangada de langi gi hulo, gi hagabuni ina mai ana dangada gu hili i denga madangi e haa, aama mai i luu bido o henua i lalo ma luu bido o de langi.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

John 11:52

gai e dee se mee ange donu huu gi de huaahenua laa, aagai ange hogi gi dama a de Maadua gu mavaevae saele laa, gai ia e hagabuni mai ai gilaadeu ga hai gi dahi donu huu.

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

1 Corinthians 15:52

i dahi masavaa bodobodo, bei de daba o de ganomada, i de masavaa e ili ai de trumpet hagaodi. Gai de trumpet e ili naa donu, gai de gau maakau e mouli age naa donu, gu dee maua ange gi maakau, gai gidaadeu e sui naa donu.

Ephesians 1:10

gai ia ga hagahai hegau ai i de masavaa gu hagamodu laa — gai ia ga hai ai gi buni mee alodahi i de langi ma henua i lalo ssauaa o Klisdo.

Deuteronomy 30:4

Gai ga mmao naa donu de mommee oodou gu gaavee aagena i henua i lalo, gai Tagi Maolunga doodou Maadua e hagabuni naa goodou ga hagaahe mai.

Deuteronomy 4:32

Goodou siilia dagodo o mee gu hai i laangi gu hulo, i mua doodou masavaa, ma mai i de laangi a de Maadua ne hai ai tangada i henua i lalo; goodou ga ssili gi iloo e goodou mai i dahi bido o de langi ga dae ai gi de bido ange laa. Be gu hanu laa mee hagalele mouli bee nei gu hai, aabe gu hanu nei mee bee nei a dangada gu langona?

1 Thessalonians 4:16

Gai Tagi Maolunga e hano iho naa donu i de langi ma de oo i de leo mmahi, madali de leo o tangada de langi maolunga aama de ili o de trumpet a de Maadua. Gai de gau maakau ne hagadonusia laa e mouli age naa i mua.

2 Thessalonians 2:1

Gai dagodo o de ahe mai o taadeu Dagi Maolunga go Iesu Klisdo, ma taadeu hagabuni madali ia, denga daina, gimaadeu e dangidangi adu:

Hebrews 12:19

ma de ili ai de trumpet, ma de leo a dangada ne langona laa, gai gilaadeu ga dangidangi bolo gi duudia de basa ange gi gilaadeu,

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 7:1

Dua mee laa gai au ne gidee e dogohaa dangada de langi e tuu i denga dege e haa o henua i lalo, ma e daohi ai de madangi gi dee ssau mai gi henua i lalo ma honga tai, aama honga denga manu ssomo.

Revelation 8:2

Gai au ne gidee denga dangada de langi dogohidu e tuu laa i mada luu mada o de Maadua, gai gu gaavange gi gilaadeu e hidu trumpet.