Matthew 24:24 - De Beebaa Dabu

²⁴ Go hiidinga denga klisdo ma pelaabisi hadu muna e ssula age naa donu, ga hai denga hagailonga ma mee hagalele mouli e daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Matthew 24:24 Iomraidhean Croise

Isaiah 9:15

denga daane maatua ma de gau aamua go de biho, gai denga pelaabisi e agoagona laa denga muna hhadu go ssugi.

Matthew 22:14

Go hiidinga ne soa dangada ne hagahia, aagai e sogoisi donu huu ne hili.”

Matthew 24:11

E soa naa hogi pelaabisi hadu muna e loomai ga daahanga dangada soa.

Matthew 24:22

Gai noo laangi laa e dee hai gi podo, gai e deai donu se dangada daudahi e ola. Aagai laangi laa e hai naa gi podo i hiidinga o dangada gu lava laa i de hili.

Matthew 24:25

Tilo, au gu tala adu gi goodou mee nei i mua de hai.

Matthew 24:31

Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Matthew 24:5

Gai e soa naa dangada e loomai i dogu ingoo, ga hai adu, ‘Go au go de Klisdo,’ gai gilaadeu e daahanga naa dangada soa.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Mark 13:22

Go hiidinga denga klisdo ma pelaabisi hadu muna, e loomai naa ga hai denga hagailonga ma mee hagalele mouli ga daahanga ai dangada, gai noo e maua, gai gilaadeu e daahanga naa hogi gilaadeu gu lava i de hili.

Luke 18:7

E aha, de Maadua e dee bale ange ana dangada gu hili, i delaadeu tangi ange gi de ia i de laangi ma de boo? E aha, ia e hai naa gilaadeu gi daalia i dahi masavaa daulooloa?

John 4:48

Iesu ne hai ange gi de ia, “Goodou e dee hagadonusia donu, noo goodou e dee gidee denga hagailonga ma mee hagalele mouli.”

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

John 6:39

Gai deenei de mee o de ia ne haia nei au gi humai e lodo ai, au gi dee dilia dahi gilaadeu aana gu gaamai gi de au, aagai gi hagamouli ina age gilaadeu i de laangi hagaodi.

Acts 20:16

Gai a Paul ne hagatau bolo ia e dee dau age i Ephesus, ia tee lodo e noho i Asia, i hiidinga ia e hagamoolau e hano gi dae gi Jerusalem, i de laangi o de Pentecost, noo e maua.

Romans 12:18

Gai noo se mee e maua e goodou i de hai, gai goodou gi nnoho i de baba madali dangada alodahi.

Galatians 4:15

Gai i hee ai de malangilangi nogo dagodo laa i oodou lodo? Gai au e tala hagadonu bolo noo goodou ne maua, gai goodou ne malangilangi donu i de llao mai oodou hadu mada ga gaamai gi de au.

Deuteronomy 13:1

Noo dahi pelaabisi aabe se dangada i oodou daha gu hai hanu midi, ma de tala adu dahi hagailonga aabe se mee hagalele mouli,

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

2 Peter 3:17

Deenei ai, ogu soa hagamogomogo, goodou gu iloo donu mee nei, gai goodou dagidiiloo gi dee hagasengalia goodou i alaadeu agoago dee heohi, ga dee maua ai e goodou i de tuu gi makaga.

1 John 2:18

Agu dama, gu baa mai donu de aoaa hagaodi! Goodou gu langona bolo de hagadaumee o Klisdo e humai naa, gai gu soa donu hagadaumee o Klisdo gu loomai. Deenei taadeu hai e iloo ai bolo gu dae mai donu de aoaa hagaodi.

1 John 2:22

Gai goai tangada hadu muna? E dee go tangada e hagadaba laa bolo Iesu e dee go de Klisdo? Tangada bee nei go de hagadaumee donu o Klisdo — ia e hagadee iloo Tamana ma Tama Daane.

1 John 5:18

Gidaadeu e iloo bolo tangada gu haanau i daho de Maadua e dee aheahe ange ga haisala, aagai Tama dagidahi a de Maadua e hagaloosi ia, gai de ia hagabaubau e dee maua donu i de poo ange gi de ia.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.