Matthew 24:15 - De Beebaa Dabu

¹⁵ “Deenei ai, noo gu gidee e goodou de mee hakino gee e haia laa ga ngadi dagodo de mommee, gu duu i de mommee dabu, go mee gu tala laa i daho de pelaabisi go Daniel,” (gai tangada e daulia muna nei gi donu ange),

Matthew 24:15 Iomraidhean Croise

Jeremiah 44:29

Gai deenei de hagailonga oodou e iloo ai bolo au e hagaduasala naa goodou i de mommee nei, go Tagi Maolunga e hagadaba, gai gi iloo ai e goodou bolo agu muna gu tala ai dagodo o doodou hagaduasala e hagassula naa donu.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Daniel 1:6

Gai aanei hanu i magavaa o denga dama daane mai i de aamuli o Judah: go Daniel, ma Hananiah, ma Mishael, aama Azariah.

Daniel 11:31

Gai ono hagabuulinga hebagi e hai naa ga dee gilimalali de mommee buibui makaga go de temple, ma de tuu de hai denga sigidaumaha, e hai laa i de laa tubua. Gai gilaadeu e hagaduu age naa de mee hakino gee, e haia laa ga ngadi dagodo de mommee laa.

Daniel 12:11

Gai taelodo o laangi, mai i de masavaa ne tuu ai de hai denga sigidaumaha dudu i de laa tubua, ma de duu age o de mee hakino gee e haia laa ga ngadi dagodo o de mommee laa, se 1,290 laangi.

Daniel 9:23

De masavaa oou ne daamada ai de dalodalo, gai gu basa adu gi dau dangidangi, gai au gu humai e tala adu gi de goe, go hiidinga koe e hagamogomogo mmao ⌊i daho de Maadua⌋. Deenei ai, hagasaelea muna nei ma de hai gi donu ange goe gi de midi:

Daniel 9:25

Gai koe gi iloo ma de donu ange gi de mee nei: mai i de masavaa e hagailoo ai bolo gi hagaahea age ange Jerusalem, ga dae ai gi de humai o de Ia gu Hagadabu laa i de lolo, go tagi, e hidu naa uvigi, ma e madaono ma lua uvigi. Gai e hagaduu age naa de aduhale madali denga haiava, aama mommee iai vai, aagai de masavaa laa se masavaa hai ngadaa.

Daniel 9:27

Gai ia e hai naa dahi hagatoo donu hagaheloongoi makaga madali dangada soa i e dahi uvigi. Gai ga madohi lua naa huu de uvigi laa, gai ia ga tuu gi dee hai denga sigidaumaha dudu ma sigidaumaha ange laa, gai ia e hagaduu naa dahi mee hakino gee i de bido o de temple, e haia laa ga ngadi dagodo de mommee, ga dae ai gi dono hagaodi bei de hai gu hagamodu ange ai laa gi de ia.”

Matthew 24:16

“gai dangada i Judea gi saavini gi hulo gi denga mounga.

Mark 13:14

“Aagai de masavaa naa huu oodou e gidee ai de mee hakino gee e haia laa ga ngadi dagodo de mommee, gu duu i de mommee e dee alaange de duu ai,” (gai tangada e daulia muna nei gi donu ange,) “gai dangada i Judea gi saavini gi hulo gi denga mounga.

Luke 19:43

E tae mai naa laangi a oo hagadaumee e hagatuu age ai denga mee e duuli ai luoo baasi alodahi,

Luke 21:20

“De masavaa naa huu oodou e gidee ai Jerusalem gu duuli ina i denga hagabuulinga hebagi, aagai goodou gi iloo bolo gu dai oha de aduhale.

John 11:48

Noo gidaadeu e dugu ange ia gi haia mee nei, gai e soa naa dangada e hagadonusia ia, gai de gau Rome e loomai naa ga oha taadeu mommee aama taadeu huaahenua.”

Acts 21:28

ma de hevaalogi ga hagataba, “Dangada o Israel, goodou balea mai gimaadeu! Deenei taane e agoagona ange laa dangada i mommee alodahi, gilaadeu gi hai baasi ange gi de gau Ssuu ma de hainga, aama de mommee nei. Aagai ia gu gaamai hogi hanu dangada Greek gi lo te temple, e hai ai gi dee gilimalali de mommee dabu nei.”

Acts 6:13

Gai gilaadeu ga hai hanu dangada tala hagadonu hadu muna gi hagabaubau ina ia gi hagataba, “Taane nei e dee modu donu de basa ma e hai baasi ange gi de temple dabu nei aama hainga a Moses;

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

Revelation 1:3

E manuuia tangada e daulia muna pelaabisi nei, gai e manuuia hogi gilaadeu e langona ga daohi muna gu lava i de sisi; go hiidinga de masavaa gu baa mai donu.

Revelation 3:22

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu.”