Matthew 24:14 - De Beebaa Dabu

¹⁴ Gai de longo danuaa o de nohoanga hodooligi o de Maadua, e tala naa i henua i lalo alodahi, gi langona ai e denga huaahenua alodahi mee nei. Aagai dua naa huu mee nei, gai gu dae mai de hagaodi.

Matthew 24:14 Iomraidhean Croise

Ezekiel 7:10

Tilo, de laangi laa gu dae mai! Gu dae mai donu! De hagaduasala gu hua, de laagau gu iai huaala, de lodo maolunga gu loage ono huaala!

Matthew 10:7

Gai goodou ga agoago ange gilaadeu, ga hai ange, ‘Gu baa mai de nohoanga hodooligi o de langi!’

Matthew 18:19

Au e hai adu hogi gi goodou, noo e dogolua i henua i lalo e buni i de mee olaau e dangidangi ai, gai dogu Damana i de langi e hai donu gi bei.

Matthew 24:3

De masavaa o Iesu ne hano ai ga noho i honga de Mounga o denga Olive, gai ana dangada agoago ga loomai gi ono daha i de masavaa e deai ai dangada, ga hai ange, “Daalaa mai, dee hee de masavaa e hai ai mee nei? Aagai dee hee de hagailonga o doo ahe mai aama de hagaodi o henua i lalo?”

Matthew 24:6

Goodou e langona naa de hai denga hebagi ma longo o denga hebagi. Gai goodou dagidiiloo gi dee manavasaa oodou lodo. Mee nei e hai naa donu, aagai tigi dae mai de hagaodi.

Matthew 4:23

Gai Iesu ne hagadaga i Galilee alodahi ga agoago i denga synagogue, ga tala de longo danuaa o de nohoanga hodooligi ma de hagaieiangi denga hagadaagangaa magi ma mee hagabaageaa alodahi i daho dangada.

Matthew 9:35

Gai Iesu ne hagadaga i denga aduhale ma mommee nnoho hugadoo, ga agoago i denga synagogue ga tala de longo danuaa o de nohoanga hodooligi o de langi, ma de hagaieiangi denga hagadaagangaa magi ma baageaa alodahi.

Mark 13:10

Aagai de longo danuaa e agoago ange naa gi denga huaahenua alodahi i mua de hai mee nei.

Luke 2:1

Laangi laa gai Caesar Augustus ne hagailoo bolo dangada alodahi i henua i lalo e sisi olaadeu ingoo.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Luke 4:5

Gai de ia hagabaubau ne gaavage hogi ia gi dahi mommee maolunga ga hagaago ange denga nohoanga hodooligi o henua i lalo alodahi i dahi masavaa bodobodo.

Acts 1:2

ga dae ai gi dono laangi ne gaavage ai gi de langi, ma dua dana tala ange gi de gau tala, go dangada aana ne hili, alaadeu mee e hai i ssauaa o de Hagasaalunga Dabu.

Acts 11:28

Gai e dahi daane i olaadeu magavaa, dono ingoo go Agabus, ne hidi age ga basa pelaabisi i ssauaa o de Hagasaalunga ⌊Dabu⌋ bolo dahi onge laumalie gu dai dae mai gi henua i lalo alodahi; gai de mee nei ne hai i de masavaa o Claudius e dagi ai.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Acts 17:6

Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei,

Acts 19:27

Gai e dee hagamanavasaa ange donu huu gi taadeu hegau, aagai de temple o tiinonga maolunga go Artemis gu hagangadi mee ina hogi. Gai de mahamaha o tiinonga a dangada i Asia aama henua i lalo alodahi e daumaha ange laa aagena, e hagadeai naa hogi.”

Acts 20:25

Aagai iainei au e iloo bolo goodou alodahi gu agoago i ogu daha i dagodo o de nohoanga hodooligi o de Maadua gu dee aahe ange naa donu e gidee au.

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Colossians 1:23

noo goodou e duudagi de daohi de gai ma de tuu gi makaga gu dee ngalungaalue, goodou gu dee llodo lagolago i doodou tali hagalodolodo, gu hagatoo donu laa i de longo danuaa oodou gu langona laa, gai gu tala ange hogi gi dangada alodahi i lalo de langi. Gai au gu hai hogi gi se dangada hai hegau niio de longo danuaa nei.

Colossians 1:6

gu dae adu naa hogi gi goodou. Gai go de longo danuaa hogi gu hagadili ina laa hua lagolago aama de hagadagadaga age i henua i lalo alodahi — bei de hai gu hagadili ai naa hogi ono hua i oodou magavaa, mai i de laangi oodou ne langona ai ga tonu ange gi de abodonu o de Maadua.

Hebrews 1:6

Gai de masavaa a de Maadua ne gaamai ai dana Dama Madua gi henua i lalo, gai ia ne hagadaba, “De gau de langi alodahi o de Maadua gi daumaha ange gi de ia.”

Hebrews 2:5

Gai de Maadua tee dugu ange denga dangada de langi gi dagina henua i lalo gu dai humai laa, go de mee omaadeu e agoago ai nei.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

Revelation 16:14

Aagai denga hagasaalunga baubau laa e hai denga sauaa, gai gilaadeu ne hulo gi daho denga hodooligi alodahi o henua i lalo, ga hagabuni mai gilaadeu e hagadabena ange gi de hebagi i de laangi maolunga o de Maadua Mmahi Mmao laa.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.