Matthew 23:5 - De Beebaa Dabu

⁵ Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Matthew 23:5 Iomraidhean Croise

2 Kings 10:16

Gai Jehu ne hai ange, “Humai madali au e tilo ai goe ogu mahi i hiidinga o Tagi Maolunga.” Gai ia ga hagauda Jehonadab madali ia i lo tono hada hebagi ga hulo ai gilaau.

Exodus 13:9

Gai de mee nei e bei de hagailonga e nnoa ange laa gi honga oodou lima aama honga oodou lae, gi manadua ai e goodou de hainga a Tagi Maolunga gai goodou ga tala ai, i hiidinga Tagi Maolunga ne hagassao mai goodou i Egypt i dono lima sauaa.

Proverbs 3:3

De abodonu ma de hai hegau i de mee abodonu e dee hulo gee naa donu i oo daha, gai daulia luu mee nei i doo ua, ma de sisi i oo lodo.

Leviticus 13:32

Gai dua naa huu e hidu laangi, gai tangada haimeedabu gi ahe ange diiloo mangeo laa; gai noo de mangeo laa tigi dolo gi daha, gai e deai huluhulu ganoango iai, gai tigi kii ange hogi de gelo,

Matthew 9:20

Gai e dahi hahine ne magi dodo i e madaangahulu ma lua ngadau, ne humai gi ono dua ga poo ange huga o dono malo.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Luke 20:47

gilaadeu e gaiaa mee a denga haahine gu maakau olaadeu bodu, ma de hai gi lloa alaadeu dalodalo gi gidee ai e dangada. Gilaadeu e kona naa donu de hagaduasala!”

John 12:43

go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.

John 5:44

Dee hee doodou hai e hagadonu ai, gai goodou e hagadau tuhi donu huu goodou, goodou e dee ssala donu huu de tuhi mai i daho de Maadua?

John 7:18

Tangada e basa donu huu i dono sauaa e ssala donu huu dono hai e hagamahamaha ai; gai tangada e saalaa de hai e hagamahamaha ai tangada ne haia ia gi humai, se dangada e hai hegau i de muna abodonu, gai e deai donu se mee dee heohi i ono lodo.

Deuteronomy 11:18

Gai goodou daohia agu muna nei ga hagamaumau i oodou lodo ma oodou hagasaalunga; gai noonoodia ange muna nei gi honga oodou lima aama honga oodou lae, se hagailonga adu gi goodou.

Deuteronomy 22:12

Koe e dee hai hanu huga malo hagalaagii i denga dege e haa o doo malo e haoli ai.

Deuteronomy 6:8

Noodia ange muna nei gi doo lima ma honga doo lae; mee nei se hagailonga adu gi de goe.

Philippians 1:15

Hanu e agoago Klisdo i delaadeu llodo gaiaa, ma de llodo e hagadau gaavange, aagai hanu e agoago i de lodo se muna abodonu.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

2 Thessalonians 2:4

Gai ia e hai baasi ange ma de hagamaolunga i mee alodahi e hagaingoo ange bolo se maadua, aabe go mee e daumaha ange laa dangada aagena. Ia e noho naa hogi i de temple o de Maadua ma de hagadaba bolo ia go de Maadua.