Matthew 23:26 - De Beebaa Dabu

²⁶ Koe se Pharisee dee gide! Hagagilimalali ina i mua lo te ubu ma lo te gumedi, gi gilimalali ai hogi tua.

Matthew 23:26 Iomraidhean Croise

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Matthew 12:33

“Noo e danuaa de manu somo, gai ono hua e danuaa hogi; gai noo e baubau de manu, gai ono hua e baubau hogi, go hiidinga dangada e madea de manu somo i ono hua.

Matthew 14:8

Gai tamaa hine laa ne hagabasa ina e dono dinana, gai ia ga hai ange, “Gaamai gi de au, de biho o John taane Babudaisi i honga de gumedi baabaa nei.”

Mark 7:4

de masavaa olaadeu e aahe mai ai i de mommee hagao mee, gai gilaadeu e dee gaimee noo tigi hhui olaadeu lima. E lagolago ange dahulinga alaadeu e daohi bei de hai e hhui ai denga ubu, ma ssaa, ma gumedi copper aama mommee e nnoho ai e gaimee.)

Luke 11:39

Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Luke 6:45

Tangada danuaa e hai tanuaa i hiidinga ono lodo e honu i tanuaa, gai tangada baubau e hai de baubau i hiidinga ono lodo e honu i de baubau. Gai muna a tangada e hagaago mai donu mee i ono lodo.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!