Matthew 22:30 - De Beebaa Dabu

³⁰ E deai donu dangada e hai bodu aabe e gaavange gi hai bodu i de mouli age, gai gilaadeu e bei naa dagodo o denga dangada de langi i de langi laa.

Matthew 22:30 Iomraidhean Croise

Psalm 103:20

Duuhia Tagi Maolunga, goodou ono dangada de langi, go goodou de gau mmahi e haia ono lodo, ma de daudali i ana muna.

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Matthew 13:43

Aagai gilaadeu e heohi e maalama naa bei de laa i de nohoanga hodooligi o delaadeu Damana. Be goai e hanu ono dalinga, gai ia gi hagalaangona.

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Matthew 22:31

Gai dagodo o de mouli age o de gau maakau: goodou tigi dau ange naa donu muna a de Maadua gu tala adu gi goodou? Ia gu hagadaba,

Matthew 24:38

Laangi i mua o tolona gai dangada ne gaimee ma de unu, ma de hai bodu aama de gaavange alaadeu dama gi hai bodu, ga dae ai gi de laangi o Noah ne ulu ai gi lo te vaga hale.

Luke 17:27

Dangada ne gaimee ma de unu, gai gilaadeu ne hai bodu aama de gaavange gi hai bodu, ga dae ai gi de laangi o Noah ne ulu ai i de vaga hale, gai tolona ga humai ga daa gilaadeu alodahi gu maakau.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.