Matthew 21:43 - De Beebaa Dabu

⁴³ Deenei ai, au e hai adu gi goodou, de nohoanga hodooligi o de langi e kave gee naa i oodou daha, ga gaavange gi de huaahenua e hai hegau i de heohi. [

Matthew 21:43 Iomraidhean Croise

Exodus 19:6

gai goodou e hai naa gi se nohoanga hodooligi o de gau haimeedabu niiogu gai se huaahenua dabu.’ Aanei au muna e tala ange gi de gau Israel.”

Isaiah 26:2

Huugea haitoga o de aduhale, e ulu mai ai de huaahenua heohi, go de huaahenua e hai hegau i de muna abodonu.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Matthew 12:28

Aagai noo au e hai gi hulo gee denga hagasaalunga baubau i ssauaa o de Hagasaalunga o de Maadua, gai de nohoanga hodooligi o de Maadua gu dae mai donu gi oodou daha.

Matthew 21:41

Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”

Matthew 21:42

Iesu ne hai ange gi gilaadeu, “E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege; de mee nei go Tagi Maolunga ne haia, gai e hagalele mouli i taadeu tilo.’

Matthew 21:44

Be goai e doo ange gi honga de hadu nei e maoha dono angaanga, aagai be goai e doo ange de hadu nei gi ono elunga, gai ia e balaginagina donu.”]

John 3:3

Iesu ne hai ange gi de ia, “Ni muna abodonu, ni muna abodonu, aagu e hai adu nei gi de goe: noo tangada e dee haanau hoou, gai ia e dee maua donu gi gidee de nohoanga hodooligi o de Maadua.”

John 3:5

Iesu ne hai ange, “Ni muna abodonu, ni muna abodonu, aagu e hai adu nei gi de goe, noo tangada e dee haanau i de vai aama de Hagasaalunga ⌊Dabu⌋, gai ia e dee maua donu, i de ulu i de nohoanga hodooligi o de Maadua.

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.