Matthew 21:41 - De Beebaa Dabu

⁴¹ Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”

Matthew 21:41 Iomraidhean Croise

Psalm 2:9

Koe e dagi naa gilaadeu i togo iron, ma de hai gilaadeu gi bei denga gumedi hadu gu mahaahaa laa ma gu too dagidahi.”

Isaiah 65:15

Gai doodou ingoo e hai naa ga se mee hagamalaia ange gi dangada aagu gu hili; gai de Ia Aamua go Iahweh e daa naa goodou ga maakau, aagai ia e gaavange naa dahi ingoo hoou moo ogu dangada hai hegau.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Zechariah 12:12

De henua alodahi e tangi naa; dahi hagadiilinga ma olaadeu bodu e tangi naa i gilaadeu: de hagadiilinga o David ma olaadeu bodu i gilaadeu; de hagadiilinga o Nathan ma olaadeu bodu i gilaadeu;

Zechariah 13:8

E hagadaba Tagi Maolunga: E lua naa diba i diba e dolu o dangada e daa ga maakau i honga de henua alodahi, gai dahi diba i diba e dolu e doe.

Matthew 21:34

Gai de masavaa huu ne maatua ai hua o dana veelenga, gai ia ne hai gi hulo ono dangada hai hegau, gi daho dangada e diiloo ange dana veelenga, gi gaavee ai dana diba mai i denga huamanu.

Matthew 21:40

Deenei ai, ni aha ai naa a tangada niiana de veelengaa grape e hai ange gi de gau laa i dono masavaa e humai ai?”

Matthew 21:43

Deenei ai, au e hai adu gi goodou, de nohoanga hodooligi o de langi e kave gee naa i oodou daha, ga gaavange gi de huaahenua e hai hegau i de heohi. [

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Luke 20:16

Ia e humai naa ga daa gilaadeu gi maakau, gai ga gaavange de veelenga laa gi hanu dangada gee.” De masavaa a dangada ne langona ai de mee nei, gai gilaadeu ga hagataba, “E dee maua donu gi hai mee nei!”

Acts 15:7

Gai ga daulooloa huu delaadeu hagasaele, gai Peter ga hidi age ga hai ange gi gilaadeu, “Denga daina, goodou e iloo bolo hanu masavaa gu hulo, gai de Maadua ne hili au gi daalaa ange de longo danuaa gi denga Gentile, gi hagadonusia ai hogi e gilaadeu.

Acts 18:6

Gai de masavaa huu a dangada i kilaa ne hai baasi ange ai ma de hagabaubau ia, gai ia ga luuluu gelegele i ono malo, ga hai ange gi gilaadeu, “Doodou maakau e dau donu huu gi goodou! Au e dee haisala ai donu. Dua iainei gai au e hano naa e agoago ange denga Gentile.”

Acts 28:28

Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [

Acts 28:8

De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi.

1 Thessalonians 2:16

De gau nei ne hagammahi donu ga buibui gimaadeu gi dee agoagona ange denga Gentile, gi dee hagamouli ai gilaadeu. Gai gilaadeu e hai gi kii ange de hoohonu olaadeu haisala i delaadeu hai mee nei. Gai de bole ⌊o de Maadua⌋ gu duu ange donu gi gilaadeu iainei!

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Hebrews 2:3

gai dee hee ai taadeu hai e hagaola ai gidaadeu, noo gidaadeu e hagangadi mee de hagamouli maolunga nei? De hagamouli nei ne tala i mua i daho Tagi Maolunga, gai dangada ne langona ne tala hagadonu mai gi gidaadeu.