Matthew 21:34 - De Beebaa Dabu

³⁴ Gai de masavaa huu ne maatua ai hua o dana veelenga, gai ia ne hai gi hulo ono dangada hai hegau, gi daho dangada e diiloo ange dana veelenga, gi gaavee ai dana diba mai i denga huamanu.

Matthew 21:34 Iomraidhean Croise

Isaiah 5:4

Ni aha ange aagu tee hai ange laa gi dagu veelengaa grape? Au ne tali gi loage ai denga grape danuaa, gai gu aha gu ni grape baubau donu huu ne hhua mai ai?

Jeremiah 35:15

Au gu dee modu hogi de hai ogu dangada hai hegau, go denga pelaabisi gi loadu gi oodou daha, gi hai adu, ‘Dahi ma dahi gi hano gee mai i ana hegau baubau, ma gi suuia ana dahulinga; gai goodou gi dee daudali ange i denga diinonga, ma de daumaha ange gi gilaadeu, gi maua ai e goodou i de nnoho i de henua, aagu gu gaavadu gi goodou ma oodou dubuna.’ Aagai goodou tee aanga mai aabe ne hagallongo mai gi de au.

Matthew 21:35

Aagai de gau laa ga poo ono dangada hai hegau ga hagailiili dahi, gai ga daa dahi gu magau, gai ne maga dahi i denga hadu.

Matthew 21:38

Aagai ga gidee huu e gilaadeu dana dama, gai gilaadeu ga hagataba, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga.’

Matthew 21:40

Deenei ai, ni aha ai naa a tangada niiana de veelengaa grape e hai ange gi de gau laa i dono masavaa e humai ai?”

Matthew 21:41

Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”

Matthew 22:3

Gai ia ne hai gi hulo ono dangada hai hegau gi hagahia dangada gu ssala ange laa gi taonga, aagai gilaadeu tee llodo e loomai.

Mark 12:1

Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.

Mark 12:7

Aagai de gau hai hegau laa ga hagataba i olaadeu magavaa, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga!’

Mark 12:9

Gai ni aha ai naa a tangada niiana de veelengaa grape e hai? Ia e humai naa ga daa gi maakau de gau hai hegau laa, gai ga gaavange de veelenga laa gi hanu dangada gee.

Luke 20:9

Iesu ne tala ange hogi gi dangada dahi mee hagasengasenga ga hai ange, “Dahi daane ne doo dahi veelengaa grape ga dugu ange gi hanu dangada gi diiloo ange, gai ia ga hano gi dahi henua gee i dahi masavaa daulooloa.