Matthew 21:3 - De Beebaa Dabu

³ Gai noo gu basa adu dahi dangada gi gooluu, gai gooluu hai ange, ‘Tangada Aamua e lodo e hai hegau i luu manu nei,’ gai ia e hagamoolau naa ga hai gi loomai luu manu laa.”

Matthew 21:3 Iomraidhean Croise

1 Kings 17:9

“Hidi age hannoo gi Zarephath, dahi aduhale o Sidon, ga noho ai. Tilo, au gu tala ange gi dahi hahine gu magau dono bodu ia gi haangai ina adu goe.”

Ezra 1:1

Gai tahi ngadau huu o Cyrus ne hodooligi ai i Persia, gai Tagi Maolunga ne hagassula ana muna gu tala i daho Jeremiah. Ia ne hagangalue lodo o Cyrus de hodooligi o Persia, gai ia ga hagailoo i mommee alodahi i dono nohoanga hodooligi ma de sisi muna nei ga daohi:

Ezra 1:5

Gai denga dagi o de aamuli o Judah, ma de aamuli o Benjamin, ma de gau haimeedabu, ma de aamuli o Levi, aama dangada alodahi a de Maadua gu hagangaalue laa olaadeu lodo, ga hagadabena e hulo e hagaahe age de hale o Tagi Maolunga i Jerusalem.

Ezra 7:27

Duuhia Tagi Maolunga, de Maadua o odaadeu dubuna madagidagi, i dana gaavange gi lodo o de hodooligi gi haia gi mahamaha de hale o Tagi Maolunga i Jerusalem;

Psalm 24:1

Henua i lalo ma mee alodahi iai nii Tagi Maolunga, ma honga henua ma dangada alodahi e nnoho ai;

Matthew 21:2

ga hai ange gi gilaau, “Gooluu loadu gi de aduhale i ooluu mada i mua naa, gai gooluu e gidee naa dahi donkey e nnoa, gai dana dama i ono daha hogi; gai gooluu ga tala ga dagi mai gi ogu daha i kinei.

Matthew 21:4

Mee nei ne hai e hagassula ai muna gu tala laa i daho de pelaabisi, e hai ange,

John 17:2

Koe gu gaavange gi de ia ssauaa i honga o dangada alodahi, gai ia ga gaavange ai de mouli e dee ngado mai gi gilaadeu alodahi aau gu gaavange gi de ia.

John 3:35

Tamana e aloha i dana Dama Daane, gai gu dugu ange mee alodahi gi de ia.

Acts 17:25

Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi.

2 Corinthians 8:16

Gai de abodonu ange gi de Maadua, i dana gaavange gi lodo o Titus de lodo mmao e bale adu goodou bei ogu dagodo.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

1 Samuel 10:26

Saul ne ahe hogi gi dono hale i Gibeah, gai denga daane dau i de hebagi a de Maadua gu hagangaalue laa olaadeu lodo ne hulo madali ia.