Matthew 21:23 - De Beebaa Dabu

²³ De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Matthew 21:23 Iomraidhean Croise

Exodus 2:14

Gai taane laa ga ssili ange gi de ia, “Goai ne gaavadu gi de goe ssauaa e hagamodu ai amaadeu mee e hai? Gai koe ga daa naa hogi au gi magau, bei dau hai ne hai ai taane Egypt anaahi?” Gai Moses gu madagu, ga hagadaba i ono lodo, “Dangada gu iloo donu agu mee ne hai!”

Matthew 20:4

gai ia ga hai ange gi gilaadeu, ‘Goodou hulo hogi hai hegau i dagu veelengaa grape, gai au ga hagao adu goodou i de mee e heohi.’ Gai gilaadeu ga hulo ai loo.

Matthew 21:24

Iesu ne hai ange gi gilaadeu, “Au e ssili adu hogi gi goodou dahi mee, gai noo goodou e pasa mai gi dagu muna ssili, gai au ga tala adu hogi gi goodou be niioai ssauaa aagu e hai ai nei mee nei.

Matthew 24:1

Iesu ne sao e hano gee i de temple, gai ana dangada agoago ga loomai ga hagaago ange gi de ia denga hale i de mommee o de temple.

Matthew 26:55

De masavaa laa gai Iesu ne ssili ange gi de hagabuulingaa daane laa, “Goodou ne loomai naa ma denga gadilaasa ma laagau e poo ai au, bei dagodo o dahi dangada gaiaa? Laangi alodahi gai au ne noho i lo te temple ma e agoago ai, gai goodou tee poo au.

Luke 19:47

Laangi alodahi gai Iesu ne agoago i de temple. Gai de gau haimeedabu maolunga, ma de gau sisi, aama dagi o dangada ne ssala delaadeu hai e daa ai ia gi magau.

Luke 20:1

Dahi laangi i de masavaa o Iesu e agoago ange ai dangada i de temple aama de tala ange gi gilaadeu de longo danuaa, aagai de gau haimeedabu maolunga, ma de gau sisi, aama dagi ne loomai

Acts 4:7

Gai gilaadeu ga gaamai gilaau gi olaadeu mada i mua ga ssili ange, “Niioai ssauaa be go de ingoo ooluu e hai ai naa hegau naa?”

Acts 7:27

Gai taane ne haia ange laa de baubau gi dono soa ne hai ange gi Moses, ‘Goai ne hagasula ina goe go demaadeu dagi aabe go tangada e hagamodu ina omaadeu muna?