Matthew 21:21 - De Beebaa Dabu

²¹ Iesu ne hai ange gi gilaadeu, “Ni muna abodonu aagu e hai adu nei gi goodou, noo goodou e hagadonusia, e dee llodo lagolago, gai goodou e maua donu i de hai hegau ne hai ange nei gi de fig, aagai noo goodou e hai ange hogi gi de mounga nei, ‘Malanga age dilia ange goe gi lo te moana,’ gai e hai naa donu ga bei oodou muna.

Matthew 21:21 Iomraidhean Croise

Matthew 14:29

Iesu ne hai ange, “Humai!” Gai Peter ga iho mai i de boose ga seesee i honga de vai e hano gi daho Iesu.

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Matthew 21:20

Gai de masavaa huu a denga dangada agoago ne gidee ai mee laa, gai gilaadeu gu llele mouli, ga hagataba, “Dee hee de hai ne moolau ai nei de mmae de fig nei?”

Matthew 8:12

Aagai dangada niiolaadeu de nohoanga hodooligi e tili naa gi lo te gohu i duaahaho, go de mommee o de tangi ma de hagaida ai gauvae.”

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

James 1:6

Aagai tangada gi dangidangi i de gai, ia gi dee lua lodo, go hiidinga tangada lua lodo e bei dagodo o de beau i honga tai e ilihia saele laa i de madangi.