Matthew 21:19 - De Beebaa Dabu

¹⁹ Gai ia gu gidee dahi fig e somo i gaogao de haiava, gai ia ne hano e tilo be hanu hua iai, gai ia tee gidee hanu hua i de manu laa, gai ni lau manu donu huu iai. Gai ia ga hai ange, “Koe e dee ahe ange naa donu e hua!” Gai de fig laa gu mmae i de masavaa laa donu huu.

Matthew 21:19 Iomraidhean Croise

Isaiah 5:2

Ia ne hagabalabala de gelegele ga aau age denga hadu, gai ga doo i denga grapevine danuaa hugadoo. Ia ne hagaduu hogi dahi hale dagitilo i kilaa ma de hai dahi mommee e kumi ai uvaini. Gai ia ne tali gi hhua mai ai denga grape danuaa, aagai ni grape baubau donu huu ne hhua mai ai.

Jeremiah 8:13

Au e lodo e hagihagi gilaadeu, go Tagi Maolunga e hagadaba. Gai e deai donu hua de grapevine. E deai hogi hua o denga fig, gai olaadeu lau gu mmae. Agu mee alodahi gu gaavange gi gilaadeu e kave gee naa donu mai i olaadeu daha.”

Matthew 21:20

Gai de masavaa huu a denga dangada agoago ne gidee ai mee laa, gai gilaadeu gu llele mouli, ga hagataba, “Dee hee de hai ne moolau ai nei de mmae de fig nei?”

Mark 11:14

Gai ia ne basa ange gi de manu laa, ga hai ange, “E deai ange naa donu se dangada e gaina oo hua i muli mai.” Gai ana dangada agoago ne langona e gilaadeu dana tala muna laa.

Mark 11:20

Gai de masavaa olaadeu ne loomai ai laa kilaa i taiao age, gai gilaadeu gu gidee bolo de fig laa gu mmae mai i denga aga ga hanage ai.

Luke 3:9

Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.”

John 15:2

Laa alodahi e deai olaadeu hua, gai ia e duuduu ga tili, aagai laa alodahi iai hua, gai ia e velevele gi kii ange ai de hhua lagolago.

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.

2 Timothy 3:5

gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

Revelation 22:11

Tangada e haia de baubau e duudagi naa de hai de baubau, tangada dahulinga hakino gee e duudagi naa de hai dahulinga hakino gee, tangada heohi e duudagi naa hogi de hai de mee heohi, gai tangada dabu e duudagi naa hogi de hai ia gi dabu.”