Matthew 20:8 - De Beebaa Dabu

⁸ Gai ga ahiahi huu de mee, gai tangada niiana de veelengaa grape ga hai ange gi dono dangada hai hegau, ‘Hagahia de gau hai hegau ga hagao ange gilaadeu. Gai koe damadaa mai i gilaadeu ne loomai i de hagaodi ga hanage ai gi gilaadeu ne loomai i taamada.’

Matthew 20:8 Iomraidhean Croise

Genesis 15:2

Aagai Abram ga hai ange, “Dogu Ia Aamua go Iahweh, se aha naa aau e gaamai gi de au, gai au e deai sagu dama, gai de ia e bolo ai agu mee go Eliezer taane Damascus?”

Genesis 43:19

Gai gilaadeu ne hulo pasa ange gi taane e diiloo ange de hale o Joseph, i gaogao de haitoga o de hale.

Leviticus 19:13

Aude vaivai haia tangada i oo gaogao, aabe gi gaiaadia ana mee. Aude daohia de hagaoanga o tangada hai hegau ga dae ai gi de laangi i ono dua.

Matthew 20:7

Gilaadeu ne hai ange gi de ia, ‘Go hiidinga e deai donu se dangada e gaamai hanu hegau maamaadeu.’ Ia ne hai ange gi gilaadeu, ‘Goodou hulo hogi hai hegau i dagu veelengaa grape.’

Matthew 20:9

Dangada ne loomai laa ga hai hegau i de lima i de ahiahi ne loomai ga kave olaadeu hagaoanga, dahi ma dahi ne kave e dahi denarius.

Matthew 25:19

Gai dua huu dahi masavaa daulooloa, gai tangada aamua o de gau hai hegau laa gu ahe mai e tilo ana sseene i olaadeu daha.

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Luke 10:7

Gai goodou ga nnoho i de hale e abodonu adu gi goodou, ga gaimee i kilaa ma de unu i mee alaadeu e gaavadu gi goodou; go hiidinga e heohi donu de kave a tangada hai hegau ono mee e gaimee ai. Gai goodou e dee hulo gi hagadaga saele i denga hale.

Luke 12:42

Gai Tagi Maolunga ne basa ange ga hai ange, “Gai goai naa huu tangada e hai hegau i de mee abodonu gai se dagi e heiangi, go ia a dono dangada aamua e dugu ange mee alodahi i dono hale ia gi diiloo ange, gai ia ga gaavange ai gi de gau hai hegau alaadeu gai i de masavaa heohi?

Luke 8:3

ma Joanna de bodu o Cuza, go taane e diiloo ange mee o Herod, aama Susanna. E soa ange haahine ne balea ange gilaadeu i olaadeu goloa donu.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Deuteronomy 24:15

Gai gaavange dono hagao i laangi alodahi i mua de danu de laa, go hiidinga ia se dangada hagaau aloha, gai ia e tali donu dono hagaoanga. Gi dee dangi ange ai ia gi Tagi Maolunga i dau dee hagao ange ia, gai koe e haisala naa donu i de mee nei.

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

Hebrews 9:28

gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.

1 Peter 4:10

Dahi ma dahi gi hagahai hegau ina tuuhanga gu gaavange gi de ia, e bale ange ai de gau ange laa, bei dagodo o tangada e hagahai hegau ina denga hagadaagangaa duuhanga mai i de abodonu o de Maadua.

Ruth 2:6

Gai tagi o de gau hai hegau ga hai ange, “Go tamaa hine Moab ne humai laa madali Naomi i de henua go Moab.