Matthew 20:6 - De Beebaa Dabu

⁶ Ia ne ahe ange hogi i de lima i de ahiahi gai ia gu gidee hogi hanu e ngadi nnoho, gai ia ga ssili ange gi gilaadeu, ‘Gu aha gu ngadi nnoho ai naa goodou i de laangi nei alodahi?’

Matthew 20:6 Iomraidhean Croise

Proverbs 19:15

De vaiduu e hai e seni donu huu, gai tangada ngadi noho e hiigai.

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Matthew 20:5

Taane laa ne ahe ange hogi i tuele aama tolu i de ahiahi ga hai mee mau.

Matthew 20:7

Gilaadeu ne hai ange gi de ia, ‘Go hiidinga e deai donu se dangada e gaamai hanu hegau maamaadeu.’ Ia ne hai ange gi gilaadeu, ‘Goodou hulo hogi hai hegau i dagu veelengaa grape.’

Matthew 20:9

Dangada ne loomai laa ga hai hegau i de lima i de ahiahi ne loomai ga kave olaadeu hagaoanga, dahi ma dahi ne kave e dahi denarius.

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

Acts 17:21

(Gai de gau Athens ma de gau henua gee e nnoho laa i kilaa e deai donu alaadeu hegau e hai, aagai gilaadeu e hagabuni donu huu ma e madaangudu i longo ma de hagallongo mee hoou alaadeu gu langona.)

Hebrews 6:12

gi dee vaiduu ai goodou, aagai goodou gi ago ange i gilaadeu ne gaavee mee gu lava laa i de hagatoo donu ai, i hiidinga o de gai ma de golomagi lodo.