Matthew 20:30 - De Beebaa Dabu

³⁰ Gai tilo, e dogolua daane dee kide e nnoho i gaogao de haiava i kilaa, gai ga langona huu e gilaau bolo Iesu gu humai i de haiava laa, gai gilaau ga hevaalogi ga hai ange, “Tagi Maolunga, Tama a David, lodo aloha mai gi gimaau!”

Matthew 20:30 Iomraidhean Croise

Psalm 146:8

Tagi Maolunga e hai gi kide gilaadeu e dee kide; Tagi Maolunga e hai gi daangage age gilaadeu e ino gi lalo; Tagi Maolunga e aloha i gilaadeu e heohi.

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.

Isaiah 42:18

“Goodou de gau longoduli, nnoho mai hagalaangona; goodou de gau dee kide, kalo ange diiloo!

Isaiah 59:10

Gimaadeu e haahaa saele i gaogao de buibui bei dagodo o de gau dee kide, gimaadeu e haahaa saele bei dagodo o dangada e deai olaadeu ganomada. Gimaadeu e baakuu saele i lo te laangi e dagodo be gu dai gohugohu de mee; gimaadeu e bei dagodo o de gau maakau i magavaa o denga daane mmahi.

Matthew 13:4

Gai de masavaa huu ne hagamalili ai ana golee, gai hanu ne too ange gi gaogao de haiava, gai denga manu llele ga loomai ga gai.

Matthew 15:22

Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”

Matthew 20:31

Gai dangada ne hagasee gilaau, ga hai ange gilaau gi dee hagalongaa, aagai gilaau ga kii ange donu de oo ga hai ange, “Tagi Maolunga, Tama a David, lodo aloha mai gi gimaau!”

Matthew 21:14

Gai de gau dee kide ma de gau balagelage ne loomai gi ono daha i lo te buibui o de temple, gai ia ga hagaieiangi gilaadeu.

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

Matthew 22:42

ga hai ange, “Aahee oodou maanadu i dagodo o de Klisdo? Ia se dama niiai?” Gilaadeu ne hai ange gi de ia, “Ia se dama nii David.”

Mark 10:46

Gai gilaadeu ne hulo ga tae gi Jericho. Gai de masavaa o Iesu ma ana dangada agoago, aama dangada soa ne ssao ai e hulo gee mai i Jericho, gai dahi daane dee gide, dono ingoo go Bartimaeus (e bei tama daane a Timaeus), e noho i gaogao de haiava ma e dangidangi ai i de bale.

Luke 4:18

“De Hagasaalunga o Tagi Maolunga e noho i ogu daha, go hiidinga ia gu hagadabu au gi agoagona ange de longo danuaa gi de gau hagaau aloha. Ia ne hai au gi humai gi hagassao ina mai gilaadeu i lo te hale pono, ma de hai gi kide gilaadeu e dee kide, ma de hagailaage gilaadeu e vaivai haia,

Luke 7:21

De masavaa laa gai Iesu e hagaieiangi dangada soa ma de hai gi hulo gee hagasaalunga baubau, gai e soa hogi dangada dee kide gu kide.

Acts 2:30

Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.