Matthew 2:13 - De Beebaa Dabu

¹³ Gai de masavaa o denga daane heiangi laa ne hulo gee ai, gai tangada de langi o Tagi Maolunga ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”

Matthew 2:13 Iomraidhean Croise

1 Kings 11:17

Aagai Hadad ne savini ga hano gi Egypt madali hanu daane Edom, e hai hegau ange laa gi dono damana, i de masavaa oona e gauligi ai.

1 Kings 3:5

De boo laa gai Tagi Maolunga ne hakide ange gi Solomon i Gibeon i de midi, gai de Maadua ga hai ange, “Dangidangi mai gi de au i oo mee e lodo ai, gai au ga gaavadu gi de goe!”

De Beebaa go Job 33:15

Ia e basa i de midi, ma de midi hagaago ange i de boo, i de masavaa e sseni tao ai dangada, ma delaadeu sseni i honga olaadeu moenga;

De Beebaa go Job 33:17

Ia e maua i de hagadahuli gee tangada mai i ana dahulinga baubau, ma de aau gee de lodo maolunga i daho tangada;

Exodus 1:22

Gai Pharaoh ga hagailoo ange gi dangada alodahi, ga hai ange, “Goodou diiloo mage gaavee denga gauligi daane alodahi e haanau i daho de gau Hebrew, mage dilia ange gi lo te saalingaa vai go Nile, gai hagaola ina alaadeu gauligi haahine.”

Matthew 1:20

Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu.

Matthew 10:23

De masavaa naa huu oodou e vaivai haia ai i dahi aduhale, gai goodou saavini hulo gi de aduhale e mua ange. Ni muna abodonu aagu e hai adu nei gi goodou, Tama a Tangada e dae mai naa i mua doodou hulo gi aduhale hugadoo o Israel.

Matthew 2:12

Gai ne hagaago ange gi gilaadeu i de midi bolo gilaadeu gi dee aahe gi hulo gi daho Herod, gai gilaadeu ga aahe gi delaadeu henua i dahi haiava gee.

Matthew 2:14

Gai ia ga alahage ga kave tamaa gauligi ma dono dinana i de boo ga hulo ai gi Egypt.

Matthew 2:16

De masavaa huu a Herod ne iloo ai bolo de gau heiangi laa gu daahanga ia, gai ia gu lili mmao, gai ia ga hai hanu gi hulo gi Bethlehem, gi daia ai gi maakau denga gauligi daane alodahi gu dagilua laa olaadeu ngadau ga hano iho ai, aama mommee alodahi e paa ange gi kilaa. Ia ne kumi ange gi dana masavaa ne hagadonu ai mee laa i daho denga daane heiangi.

Matthew 2:22

Aagai ga langona huu e ia bolo go Archelaus e hodooligi i tuulanga o dono damana go Herod i Judea, aagai ia gu madagu i de hano gi kilaa. Gai de Maadua ne hagakana ange hogi ia i dahi midi, gai ia ga hano ga noho i Galilee,

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 10:7

Gai de masavaa o tangada de langi ne basa ange laa gi de ia ne hano gee ai, gai Cornelius ne hagahi e dogolua ono dangada hai hegau ma dahi ono daane hebagi e madagu laa i de Maadua, e hai hegau ange laa gi de ia.

Acts 12:11

Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”

Acts 12:7

Gai tilo, dahi dangada de langi o Tagi Maolunga ne humai ga duu i kilaa, gai gu maalama de aabi i lo te hale pono laa, gai ia ga hagaili de gaogao o Peter ga hhango ange ia, ga hai ange, “Hagamoolau hidi age!” Gai denga daula baalanga e noonooa ai laa luoono lima gu maatala ga too.

Acts 16:36

Gai taane hagaloosi o de hale pono ga tala ange muna laa gi a Paul, ga hai ange, “Dagi o de aduhale gu aalu mai bolo gi dugua gooluu gi hulo, deenei ai, gooluu ssao hulo, gai de baba gi dagodo i ooluu daha.”

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

Acts 7:19

Gai ia ga vaivai hai odaadeu dubuna, ga hai gilaadeu gi dilia alaadeu gaagaa gi maakau ai gilaadeu.

Joshua 3:13

Gai de masavaa naa huu o de gau haimeedabu e sabaia laa de ngavesi a Tagi Maolunga — de Ia Aamua o henua alodahi — e tuu ai olaadeu vae i lo te vai o Jordan, gai ono vai gu tuu de ssali iho; denga vai e loiho laa i lunga gu tuu de loiho, ga hagabudubudu age i dahi mommee.”

Joshua 3:17

Gai de gau haimeedabu e sabaia laa de ngavesi o de hagatoo donu hagaheloongoi a Tagi Maolunga ne tuu i lo te ungaalodo o Jordan, i de masavaa o de gau Israel ne seesee ai, laa honga de gelegele masa, ga dae ai gi de odi de huaahenua gi de baasi laa o Jordan.

Joshua 4:10

Gai de gau haimeedabu ne sabaia laa de ngavesi o de hagatoo donu hagaheloongoi ne tuu i lo te vai, ga dae ai gi de lava mee alodahi a Tagi Maolunga gu tala ange gi Joshua gi daalaa ange gi dangada, bei de hai a Moses ne tala ange ai laa gi Joshua. Gai dangada ne hagamoolau ga hulo gi de baasi laa ssaalingaa vai.

Joshua 4:18

Gai de masavaa huu o de gau haimeedabu ne sabaia laa de ngavesi o de hagatoo donu hagaheloongoi a Tagi Maolunga ne kage age ai i lo te saalingaa vai go Jordan, gai olaadeu alohi vae gu i uda henua, gai denga vai o Jordan gu aahe ange ga ssali ma de hagahonu age bei olaadeu dagodo i de laa tubua.

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.

Revelation 12:4

Gai dono sugi ne hagailiili ga too iho gi henua i lalo, dahi diba i diba e dolu o denga heduu i lo te langi. Gai de dragon laa e duu i mada i mua o de hine gu dai haanau laa, gai ia ga gai ai tama a de hine laa i de masavaa e haanau mai ai.

Revelation 12:6

Gai de hine laa gu savini ga hano gi de vao i de mommee a de Maadua gu lava laa i de hagadabena, gi diiloo ange ai ia i e 1,260 laangi.