Matthew 2:12 - De Beebaa Dabu

¹² Gai ne hagaago ange gi gilaadeu i de midi bolo gilaadeu gi dee aahe gi hulo gi daho Herod, gai gilaadeu ga aahe gi delaadeu henua i dahi haiava gee.

Matthew 2:12 Iomraidhean Croise

Genesis 31:24

Gai de Maadua ne hakide ange gi Laban, taane Syria i de midi, i de boo laa, ga hai ange gi de ia, “Koe kana ange gi au muna e basa ange ai gi Jacob, e dee hilihili be e danuaa aabe e baubau.”

Exodus 1:17

Gai luu haahine hagahaanau laa ne maatagu i de Maadua. Deelaa ai, gilaau tee daudali i muna a de hodooligi, aagai ne hagaola hogi denga gauligi daane.

Daniel 2:19

Gai gu hagaago ange gi Daniel i de midi de mee e dee iloo laa. Gai Daniel ga tuhi de Maadua o de langi.

Matthew 1:20

Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu.

Matthew 2:13

Gai de masavaa o denga daane heiangi laa ne hulo gee ai, gai tangada de langi o Tagi Maolunga ga hakide ange gi Joseph i de midi, ga hai ange, “Hidi age gaavee tamaa gauligi ma dono dinana, ma goodou hulo gi Egypt ga nnoho ai, ga dae ai gi dagu hai adu koe gi ahe mai, go hiidinga Herod e ssala tamaa gauligi e daa gi magau.”

Matthew 2:19

Aagai dua huu de magau o Herod, gai tangada de langi o Tagi Maolunga ga hakide ange gi Joseph i de midi i Egypt, ga hai ange,

Matthew 2:22

Aagai ga langona huu e ia bolo go Archelaus e hodooligi i tuulanga o dono damana go Herod i Judea, aagai ia gu madagu i de hano gi kilaa. Gai de Maadua ne hagakana ange hogi ia i dahi midi, gai ia ga hano ga noho i Galilee,

Matthew 27:19

Gai de masavaa o Pilate ne noho ai i honga dono nohoanga hagamodu muna, gai dono bodu ne aalu mai, ga hai ange, “Aude haia ange dahi mee daudahi gi taane heohi naa, go hiidinga au gu kona dogu duasala anailaa nei i ono hiidinga, i dagu midi.”

Luke 2:26

Gai de Hagasaalunga Dabu ne hagaago ange gi de ia bolo ia e dee magau ga dae ai gi dana gidee de Klisdo mai i daho Tagi Maolunga gu lava laa i de hagatoo donu.

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

Acts 5:29

Aagai Peter ma de gau tala ange laa ga pasa ange, ga hai ange, “E heohi donu demaadeu hagallongo ange gi de Maadua, e dee go dangada.

1 Corinthians 3:19

Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.”

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Hebrews 8:5

Gilaadeu ne hai hegau i de mommee dabu e hagadulagi ange laa gi de mee i de langi. Go hiidinga de masavaa a Moses ne baba ange ai e hagaduu de hale malo, gai de Maadua ne tala ange, ga hai ange, “Diiloo hagatuulia mee alodahi gi bei dagodo o de hagadulagi gu hagaago adu gi de goe i honga de mounga.”