Matthew 19:9 - De Beebaa Dabu

⁹ Au e hai adu gi goodou: be goai e maavae ange gi dono bodu, deelaa donu huu go dono dagodo haisala, ga hai bodu ange gi dahi hahine gee, gu dagodo haisala donu. [Aagai taane e hai bodu ange gi de hine gu maavae laa, gu dagodo haisala donu hogi.]”

Matthew 19:9 Iomraidhean Croise

Genesis 20:3

Aagai de Maadua ne hakide ange gi Abimelek i de midi, ga hai ange gi de ia, “Tilo, koe e magau donu, i hiidinga o de hine aau gu kave naa; ia se hine gu hai bodu.”

2 Chronicles 21:11

Ia ne hagatuu hogi denga mommee daumaha i honga duuduu o Judah, ma de hai dangada o Jerusalem gi haia denga dahulinga baubau, ma de hai Judah gi dahuli gee.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Jeremiah 3:8

Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Ezekiel 16:15

Aagai koe ne tali hagalodolodo ange gi doo mahamaha, gai koe ga hano ga hai be se manu i hiidinga de soa dangada ne langona oo longo, gai koe ne dagodo haisala madali dangada alodahi e llodo i de goe.

Ezekiel 16:29

Gai ne kii ange donu doo hai be se manu madali de gau Babylon, go de henua e hagao ina oo goloa, aagai koe tee lava donu oo dagodo haisala i dau hai mee nei alodahi.

Ezekiel 16:8

Muli mai gai au ne seesee adu ange hogi gi de mommee oou iai, gai tilo, koe gu odi ange oo ngadau e hai bodu ai. Gai au ga hai dogu malo ga haoli adu ai goe, gi dee gilisau ai goe. Au ne hagatoo donu adu gi de goe, ma de hai dahi hagatoo donu hagaheloongoi madali goe — go de Ia Aamua go Iahweh e hagadaba — gai au ne hai goe ga niiagu.

Matthew 19:10

Gai ana dangada agoago ne hai ange gi de ia, “Noo deenaa tagodo o taane ma dono bodu, gai e danuaa ange donu tee hai bodu o tangada.”

Matthew 19:8

Iesu ne hai ange gi gilaadeu, “Moses ne dugu adu goodou gi maavae ma oodou bodu i hiidinga de makaga oodou lodo. Gai e dee deenaa donu tagodo mai i taamada age.

Matthew 5:32

Aagai au e hai adu gi goodou, be goai e maavae ange gi dono bodu, deelaa donu huu go dono dagodo haisala, gai ia e hai de hine laa gi dagodo haisala. Gai be goai e hai bodu ange gi de hine gu maavae laa gu dagodo haisala donu.

Luke 16:18

Tangada e maavae ange gi dono bodu ga hai bodu ange gi dahi hahine gee gu dagodo haisala donu, gai be goai e hai bodu ange gi de hine gu maavae laa gu dagodo haisala donu.

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.

1 Corinthians 7:39

De hine dau bodu gi hagapigi ange gi dono bodu i taulooloa de mouli o taane laa. Gai noo dono bodu gu magau, gai de hine laa gu maua i de ahe ange e hai bodu ange gi taane oona e lodo ai, gai haia gi se daane e noho i lodo o Tagi Maolunga.

1 Corinthians 7:4

Go hiidinga e dee go de hine dau bodu e huahua i dono angaanga, gai go taane e huahua ai; gai e bei ai hogi, e dee go taane dau bodu e huahua i dono angaanga, gai go de hine e huahua ai.