Matthew 19:28 - De Beebaa Dabu

²⁸ Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Matthew 19:28 Iomraidhean Croise

1 Kings 18:31

Gai Elijah ga kave e madaangahulu ma lua hadu, go taelodo o denga aamuli o dama daane a Jacob, go taane a Tagi Maolunga ne hai ange laa gi de ia, “Koe e hagaingoo ange naa go Israel.”

2 Chronicles 9:19

Gai e madaangahulu ma lua laiono i honga denga vae gaagenga e ono laa, e dagidahi laiono i luu bido o dahi vae gaagenga laa. Gai e deai ange donu se nohoanga bee nei i dahi nohoanga hodooligi ange laa.

Ezra 6:17

Gai mee ne hai ai ssigidaumaha i de hagadabu o de hale o de Maadua, e lau kaau daane, e lualau ssiibi daane, aama e haalau ssiibi daane gauligi, gai mee ne hai ai ssigidaumaha o haisala ange gi de gau Israel alodahi, e madaangahulu ma lua guudi daane, go taelodo o denga aamuli o Israel.

Exodus 15:27

Gai gilaadeu ga hulo gu tae gi Elim, go de mommee iai laa e madaangahulu ma lua vai geli ma e madahidu palm. Gai gilaadeu ga hagatuu olaadeu hale gaainga i gaogao de vai i kilaa.

Exodus 24:4

Gai Moses ga sisi ga daohi muna alodahi a Tagi Maolunga. Taiao age gai Moses ga bae de mommee o ssigidaumaha i gaogao de mounga aama de hagatuu age e madaangahulu ma lua duludulu hadu, go taelodo o denga aamuli o Israel e dinoangahulu ma dogolua.

Exodus 28:21

Denga hadu e madaangahulu ma lua nei e maaga ange aagena ingoo o denga aamuli e dinoangahulu ma dogolua o Israel, bei de hai e maaga ai laa denga buulei hagailonga; dahi hadu e maaga ange de ingoo o dahi aamuli.

Isaiah 65:17

“Tilo, au e hai naa de langi hoou ma henua i lalo hoou. Denga mee madagidagi e hagangalo naa, dangada e dee manadua naa donu.

Isaiah 66:22

De langi hoou ma henua i lalo hoou aagu e hai e dee llilo naa donu, go Tagi Maolunga e hagadaba; gai e bei ai hogi doo hagadiilinga ma doo ingoo.

Leviticus 24:5

“Gai koe haia hanu pelaoaa lligi haia ai e madaangahulu ma lua duudangaa pelaoaa; gai haia i e lua diba i diba e madaangahulu o dahi ephah pelaoaa lligi, e hai ai dahi duudangaa pelaoaa.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Matthew 19:27

Peter ne hai ange gi de ia, “Gimaadeu ne dugu mee alodahi gai ga daudali adu i de goe. Aagai ni aha ai naa amaadeu e mau?”

Matthew 20:21

Iesu ne ssili ange gi de ia, “Se aha oou e lodo ai?” De hine nei ne hai ange gi Iesu, “Dugua ange luaagu dama gi nnoho madali goe i honga doo nohoanga hodooligi, dahi i doo baasi madau, gai dahi i doo baasi masui.”

Matthew 25:31

“De masavaa naa huu o Tama a Tangada e humai ai i dono mahamaha madali ono dangada de langi alodahi, gai ia e noho naa i honga dono nohoanga hodooligi mahamaha.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Matthew 8:20

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

Mark 10:37

Gilaau ne hai ange gi de ia, “Haia gi maua e gimaau i de nnoho madali goe i doo nohoanga hodooligi mahamaha, dahi i doo baasi madau gai dahi i doo baasi masui.”

Acts 3:21

Gai ia e noho donu i de langi ga dae ai gi de laangi e hagahoou ai mee alodahi, go mee a de Maadua gu tala i daho ono pelaabisi dabu madagidagi.

2 Timothy 2:12

Noo gidaadeu e duudagi de golomagi odaadeu lodo, gai gidaadeu e dagi naa hogi madali ia. Noo gidaadeu e hagadee iloo ia, gai ia e dee hagadee iloo naa hogi gidaadeu;

Joshua 3:12

Gai goodou hilia e dinoangahulu ma dogolua daane i oodou magavaa, e dagidahi mai i denga aamuli o de gau Israel.

2 Peter 3:13

Aagai gidaadeu e tali de langi hoou ma henua i lalo hoou, gu lava laa i de hagatoo donu, go de mommee iai de heohi.

Revelation 11:16

Gai denga daane maatua e dinolua ma dogohaa e nnoho laa i honga olaadeu nohoanga, i mada luu mada o de Maadua ga ino olaadeu mada gi honga de gelegele ga daumaha ange gi de Maadua,

Revelation 12:1

Gai dahi hagailonga hagalele mouli gu hagasula iho i de langi: dahi hahine e gahu i de laa, gai de maasina i lalo luoono vae, gai honga dono biho iai dahi hau e madaangahulu ma lua heduu iai.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”

Revelation 22:2

ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.

Revelation 22:5

Gai e deai naa donu se boo i kilaa. Gai dangada i kilaa e dee hagamaalama hogi i de laama aabe go de maalama o de laa, go hiidinga Tagi Maolunga de Maadua go de maalama e hagamaalama ina gilaadeu, gai gilaadeu e hodooligi naa ga hano ai e dee ngado mai.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 4:4

Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.

Revelation 7:4

Gai au ne langona taelodo o dangada gu hagailonga, se 144,000 ne hagailonga i denga aamuli alodahi o de gau Israel: