Matthew 19:26 - De Beebaa Dabu

²⁶ Aagai Iesu ga galo ange gi gilaadeu, ga hai ange, “Mee nei e dee maua i de hai i daho dangada, aagai mee alodahi e maua i daho de Maadua.”

Matthew 19:26 Iomraidhean Croise

Genesis 18:14

E deai donu se mee daudahi e hai ngadaa i daho Tagi Maolunga! Au e ahe mai naa donu gi ooluu daha i de masavaa gu hagamodu i de ngadau e humai nei, gai Sarah e haanau naa dahi dama daane.”

1 Kings 17:16

Denga pelaoaa i lo te ssaa e dee odi naa donu, gai denga lolo i lo te ssaa e dee odi naa hogi, bei de hai a Tagi Maolunga gu tala ai laa i daho Elijah.

De Beebaa go Job 42:2

“Au e iloo bolo koe e maua i de hai mee alodahi, gai au hagatau alodahi e dee maua donu i de buibui gi dee hai.

Psalm 3:8

Tagi Maolunga e maua i de hagaola; gai hagamanuuia ina oo dangada! Selah

Psalm 62:11

De Maadua gu tala muna i dahi hanonga; gai au gu langona ana muna i de lua hanonga: bolo koe, de Maadua, e mmahi mmao,

Jeremiah 32:17

Dogu Ia Aamua go Iahweh, koe ne hai de langi ma henua i lalo i doo sauaa laumalie ma doo lima mmahi. Gai e deai donu se mee daudahi e hai ngadaa adu gi de goe.

Jeremiah 32:27

“Tilo, go au go Iahweh, de Maadua o dangada alodahi. E aha, e dahi laa mee daudahi aagu e dee maua i de hai?

Zechariah 8:6

E hagadaba Tagi o denga hagabuulinga hebagi: De mee nei se mee donu hai ngadaa i daho dangada e doe i laangi laa, aagai e aha, se mee hai ngadaa de mee nei i ogu daha? go Tagi o denga hagabuulinga hebagi e hagadaba.

Numbers 11:23

Gai Tagi Maolunga ga hai ange gi Moses, “E dahi nei mee daudahi a ssauaa o Tagi Maolunga e dee maua i de hai? Iainei gai koe e gidee naa be agu muna ni muna abodonu be deai.”

Matthew 19:25

De masavaa huu a ana dangada agoago ne langona ai muna nei, aagai gilaadeu gu llele mouli, ga hagataba, “Goai ai naa e maua gi hagamouli?”

Matthew 19:27

Peter ne hai ange gi de ia, “Gimaadeu ne dugu mee alodahi gai ga daudali adu i de goe. Aagai ni aha ai naa amaadeu e mau?”

Mark 10:27

Iesu ne galo ange gi gilaadeu, ga hai ange, “De mee nei e dee maua donu i de hai i daho dangada, aagai e dee hai ngadaa donu i daho de Maadua. Go hiidinga de Maadua e maua i de hai mee alodahi.”

Luke 1:37

Gai e deai donu se mee daudahi e dee maua i de hai i daho de Maadua.”

Luke 18:27

Iesu ne hai ange gi gilaadeu, “Mee e dee maua i de hai i daho dangada e maua donu i daho de Maadua.”

Hebrews 6:6

gai noo gilaadeu gu daahuli gee — aagai gilaadeu gu dee maua ange i de daahuli olaadeu lodo, go hiidinga e bei donu gilaadeu gu aahe ange, ma gu daudau Tama Daane a de Maadua i de laagau lui, ma de hagangadi mee ia i madamada o dangada.

1 Samuel 14:6

Gai Jonathan ne hai ange gi tama daane e sabaia laa ono goloa hebagi, “Humai, gidaau ga hulo gi de mommee o denga hagabuulinga hebagi o dangada e dee tuu dagaholiage; kana adu Tagi Maolunga e bale mai naa gidaau, go hiidinga e deai donu se mee daudahi e maua i de buibui Tagi Maolunga i de hagaola, e dee hilihili be ni dangada soa aabe ni dangada sogoisi.”