Matthew 19:21 - De Beebaa Dabu

²¹ Iesu ne hai ange gi de ia, “Noo koe e lodo gi heohi abodonu goe, gai koe hannoo hagao ina gi daha oo goloa alodahi, ga gaavange gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Matthew 19:21 Iomraidhean Croise

Genesis 17:1

Gai ga massiva ma siva huu ngadau o Abram, gai Tagi Maolunga ga hakide ange gi de ia, ga hai ange, “Go au go de Maadua Mmahi Mmao laa. Koe gi hai hegau i de mee heohi i mada luoogu mada.

Genesis 6:9

Deenei taalanga o de huaabodu o Noah. Noah se daane e heohi aama tee haisala i dono atangada; Noah ne seesee madali de Maadua.

De Beebaa go Job 1:1

E dahi daane e noho i de henua go Uz, dono ingoo go Job. Ia se daane e dee haisala gai e heohi, gai ia e madagu i de Maadua ma de kino i de baubau.

Psalm 37:37

Daumada ina tangada e dee haisala, gai diiloo dagodo o tangada heohi; tangada daudonu e soa naa ono hagadiilinga.

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Matthew 19:20

Tama daane laa ne hai ange gi de ia, “Mee naa alodahi gu odi i dogu daudali ai. Gai ni aha ange tigi dohu i ogu daha?”

Matthew 19:22

Gai ga langona huu e ia muna laa, gai ia ga hano gee i kilaa gu dee baba ono lodo, go hiidinga ia se daane lava mmao.

Matthew 19:28

Iesu ne hai ange gi gilaadeu, “Ni muna abodonu aagu e hai adu nei gi goodou, de masavaa naa huu o Tama a Tangada e noho ai i honga dono nohoanga mahamaha i henua i lalo hoou, gai goodou ne daudali mai laa i de au, e nnoho naa hogi i honga e madaangahulu ma lua nohoanga, ga hagamodu ai muna o denga aamuli e madaangahulu ma lua o de gau Israel.

Matthew 4:19

Gai Iesu ne hai ange gi gilaau, “Gooluu daudali mai i de au, gai au ga hai gooluu gi ni daane e haangoda ina dangada.”

Matthew 5:48

Deenei ai, goodou gi heohi abodonu, bei doodou Damana i de langi ia e heohi abodonu.

Matthew 8:22

Aagai Iesu ne hai ange gi de ia, “Daudali mai i de au, gai dugua ange gilaadeu e maakau gi danumia alaadeu maakau.”

Matthew 9:9

Gai ga hano gee huu Iesu i kilaa, gai ia gu gidee dahi daane e noho i de mommee hagabudu taagisese, dono ingoo go Matthew. Gai Iesu ga hai ange gi de ia, “Daudali mai i de au.” Gai Matthew ga hidi age ga daudali ange i de ia.

Mark 10:21

Gai Iesu ga haaina ia, gu aloha i de ia, gai Iesu ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi, ga gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Mark 2:14

Gai ga hano gee huu Iesu i kilaa, gai ia gu gidee Levi tama daane a Alphaeus, ia e noho i de mommee hagabudu taagisese. Gai ia ga hai ange gi de ia, “Daudali mai i de au!” Gai ia ga hidi age ga daudali ange i Iesu.

Mark 8:34

Gai Iesu ga hagahi dangada ma ana dangada agoago ga hai ange, “Be goai e lodo e daudali mai i de au, gai ia gi hagangadi mee ina dono mouli, ga saabai dono laagau lui, ga daudali mai ai i de au.

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Luke 14:33

Deenei ai, be goai e dee maua i de dugu mee alodahi, gai ia e dee maua i de hai gi se dangada agoago niiagu.

Luke 16:9

Au e hai adu gi goodou, hagahai hegau ina de lava o henua i lalo gi hanu oodou soa. Gai de masavaa naa huu e odi ai mee nei, gai gilaadeu ga abodonu adu gi de goe i de mouli e humai nei.

Luke 18:22

Gai ga langona huu e Iesu ana muna, gai ia ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Luke 5:27

Dua mee laa gai Iesu ne hedae ange gi dahi daane, dono ingoo go Levi, ia e noho i de mommee hagabudu taagisese. Gai Iesu ga hai ange gi de ia, “Daudali mai i de au.”

Luke 6:40

Tangada e hagaskuulu i daho dahi e dee maolunga ange i dono dangada agoago; aagai tangada gu honu danuaa dono hai ne agoago ai e bei naa dagodo o dono dangada agoago.

Luke 9:23

Gai Iesu ne hai ange gi dangada alodahi, “Noo dahi dangada e lodo e daudali mai i de au, gai ia gi hagangadi mee ina ia, ga saabai dono laagau lui i laangi alodahi ga daudali mai ai i de au.

John 10:27

Agu ssiibi e langona dogu leo; au e iloo gilaadeu, gai gilaadeu e daudali mai i de au.

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

Acts 2:45

Gilaadeu ne hagao gi daha olaadeu alahenua ma alaadeu goloa ga duha hagahedae ai dangada alodahi e duasala.

Hebrews 10:34

Goodou ne aaloha ange gi gilaadeu i lo te hale pono, gai ne malangilangi donu i de hai gi de mahi ina oodou goloa, go hiidinga goodou e iloo bolo e hanu oodou goloa e danuaa ange i goloa laa, gai e daakodo ga hano ai.