Matthew 19:14 - De Beebaa Dabu

¹⁴ Aagai Iesu ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de langi.”

Matthew 19:14 Iomraidhean Croise

Genesis 21:4

Gai Abraham ga tuu dagaholiage Isaac, dana dama daane i dua de valu laangi, bei de hai a de Maadua gu tala ange ai gi de ia.

Matthew 11:25

Gai Iesu ne hagadaba i de masavaa laa, “Au e tuhi goe, Tamana, Tagi Maolunga o de langi ma henua i lalo, go hiidinga koe gu hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi.

Matthew 18:3

ga hai ange gi gilaadeu, “Ni muna abodonu aagu e hai adu nei gi goodou, noo goodou e dee daahuli bei dagodo o denga gauligi vaaligi, gai goodou e dee maua i de ulu i de nohoanga hodooligi o de langi.

Matthew 19:15

Gai ia ga dugu ange dono lima gi olaadeu elunga ⌊ga hagamanuuia gilaadeu,⌋ muli mai gai ia ne hano gee mai i kilaa.

Matthew 5:10

E manuuia gilaadeu e vaivai haia i hiidinga o de mee heohi; niiolaadeu de nohoanga hodooligi o de langi!

Matthew 5:3

“E manuuia gilaadeu e hagaau aloha i de hagasaalunga; niiolaadeu de nohoanga hodooligi o de langi!

Mark 10:14

Gai de masavaa huu a Iesu ne gidee ai de mee nei, gai ia gu bole, gai ia ga hai ange gi ana dangada agoago, “Dugua denga gauligi vaaligiligi gi loomai gi ogu daha, goodou aude buibuia gilaadeu, go hiidinga niiolaadeu donu de nohoanga hodooligi o de Maadua.

Mark 10:15

Ni muna abodonu aagu e hai adu nei gi goodou, be goai e dee gaavee de nohoanga hodooligi o de Maadua bei dagodo o tamaa gauligi, aagai ia e dee maua donu i de ulu ai.”

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

Judges 13:7

Aagai ia ne hai mai gi de au, ‘Tilo, koe e hai dama naa ga haanau dahi dama daane. Gai koe e dee unu uvaini aabe go mee vii, koe e dee gai hogi denga gai dee gilimalali, go hiidinga tama daane naa se Nazirite niio de Maadua mai i dono haanau ga dae ai gi dono magau.’ ”

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

1 Samuel 1:22

Aagai Hannah tee hano madali gilaadeu, gai ia ne hai ange gi dono bodu, “De masavaa naa huu o tamaa gauligi e dee unuunu ai, gai au ga kave ia gi mada luu mada o Tagi Maolunga, gai ia ga noho i kilaa ga hano ai.”

1 Samuel 1:24

Gai de masavaa huu o dana dama gu dee unuunu ai, gai ia ga kave dana dama madali ia gi de hale o Tagi Maolunga i Shiloh ma dahi kaau daane gu dolu ono ngadau, ma dahi ephah pelaoaa lligi, aama dahi manu uvaini. Gai tama laa goi gauligi donu huu.

1 Samuel 2:18

Gai Samuel e hai hegau i mada luu mada o Tagi Maolunga, gai e gahu i de ephod linen mai i dono gauligi.