Matthew 18:8 - De Beebaa Dabu

⁸ Gai noo doo lima be go doo vae e hai goe ga haisala, gai koe duudia dilia. E danuaa ange doo ulu i de mouli ma doo balagelage aabe go doo baagia, i doo tili ange gi lo te ahi e dee ngado mai ma luoo lima ma luoo vae ngaadahi.

Matthew 18:8 Iomraidhean Croise

Isaiah 30:22

Gai goodou e oha naa oodou diinonga gu haoli i selevaa, ma oodou diinonga gu haoli i goolo; gai goodou e tili naa mee nei bei de malo hakino gee e hai ai laa magi haahine, ga hai ange, “Hannoo i kinaa!”

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Matthew 17:27

Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater i lo tono ngudu. Gai koe ga kave ga gaavange gi gilaadeu e hagao ai odaau taagisese.”

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Matthew 25:46

Gai gilaadeu nei e hulo gee naa ga kave de hagaduasala e deai laa se ngado mai. Aagai gilaadeu e heohi e kave naa de mouli e dee ngado mai.”

Luke 14:33

Deenei ai, be goai e dee maua i de dugu mee alodahi, gai ia e dee maua i de hai gi se dangada agoago niiagu.

Luke 16:24

Gai taane lava laa ga hai ange gi de ia, ‘Tamana go Abraham, lodo aloha mai gi de au, ma gi haia Lazarus gi humai gi hagasulu ina ange dono madannia gi lodo vai gi hagamaluulu ina ai dogu alelo. Au gu kona mmao dogu duasala i lo te ahi nei!’

Romans 13:12

Gu ui de boo, gai gu dae mai de laangi. Deenei ai, gidaadeu ga tili hegau o de gohu gai ga hagauda goloa hebagi o de maalama.

Revelation 14:10

e unu naa hogi uvaini mmahi o de bole o de Maadua, e dee hilo laa ga llingi ange ai gi lo te ubu o dono lili. Gai ia e hagaduasala naa donu i de ahi ma denga sulfur, i madamada o denga dangada de langi dabu ma mada luu mada o Ssiibi Gauligi.

Revelation 20:15

Gai tangada e dee sisi dono ingoo i de beebaa o de mouli gu tili ange gi lo te ahi e sali laa bei de vai.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”