Matthew 18:7 - De Beebaa Dabu

⁷ “E vakaa naa henua i lalo, i hiidinga o alaadeu mee e hai ga hagahaisala ai dangada! Mee nei e hai naa donu, aagai e vakaa naa tangada e haia mee nei!

Matthew 18:7 Iomraidhean Croise

Genesis 13:7

Gai de gau hagaloosi manu o Abram, ma de gau hagaloosi manu o Lot gu dee heloongoi. De masavaa laa gai go de gau Canaan, ma de gau Perez e nnoho i de henua laa.

2 Samuel 12:14

Aagai go hiidinga koe gu hai hagadaumee o Tagi Maolunga gi hagangadi mee ina ia, i dau hai de hegau nei, tama gu dai haanau adu naa gi de goe e magau naa donu.”

Matthew 16:23

Iesu ne huli dua ga hai ange gi Peter, “Satan, hannoo gi ogu dua! Koe se dangada e buibuia ngau. Go hiidinga au maanadu e dee bei lodo o de Maadua, aagai e bei lodo o dangada.”

Matthew 26:24

Tama a Tangada e hano naa donu bei de hai gu sisi ai ono dagodo, aagai e vakaa naa tangada e gaavange Tama a Tangada! E danuaa ange noo ia tee haanau.”

Mark 13:7

Gai de masavaa naa huu oodou e langona ai de hai denga hebagi ma longo o denga hebagi, gai goodou gi dee manavasaa oodou lodo. Mee nei e hai naa donu, gai tigi dae mai de hagaodi.

Luke 17:1

Iesu ne hai ange gi ana dangada agoago, “E tae mai naa donu denga hagatale e haia ga haisala dangada, aagai e vakaa naa tangada e haia ga loomai mee nei!

John 17:12

De masavaa oogu ne noho ai madali gilaadeu, gai au ne buibui gilaadeu i ssauaa o doo ingoo aau ne gaamai laa gi de au; au ne dagitilo ga buibui gilaadeu, gai teai donu se gilaadeu ne tili, go de ia donu huu gu hagailonga ange laa gi de magau e dee ngado mai, e hagassula muna a de Beebaa Dabu.

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

1 Corinthians 11:19

Gai e hanu donu hogi dee heloongoi i oodou magavaa; mee nei se hai gi maua ai gi iloo abodonu gilaadeu e hai hegau i de muna abodonu.

1 Timothy 6:1

Gai de gau hai hegau dee ilaage alodahi gi hagadubu ina olaadeu dangada aamua, gi dee hagabaubau ina ai de ingoo o de Maadua aama amaadeu agoago.

Titus 2:5

Gilaadeu gi golomagi ina olaadeu lodo, gai gi gilimalali, gilaadeu gi kana ange gi haia hegau i olaadeu hale, gilaadeu gi abodonu ange, aama de hagadubu olaadeu bodu, gi dee hagabaubau ina ai muna a de Maadua.

Titus 2:8

gai au mee e agoago ai gi dee maua e dangada i de hagabaubau, gai gi dogaa ai tangada e hai baasi adu gi de goe, gu deai ana mee e maua i de hagabaubau ai gidaadeu.

Jude 1:4

Go hiidinga hanu dangada gu ulu hagammuni adu gi oodou magavaa, aanei gilaadeu gu sisi laa madagidagi bolo e hagaduasala. Gilaadeu ni dangada baubau, gilaadeu e hagahadu muna de abodonu o taadeu Maadua gi maua ai e gilaadeu i de hai denga dahulinga hakino gee, gai ga hagangadi mee taadeu Ia Aamua ma Tagi Maolunga e dahi laa donu huu, go Iesu Klisdo.

1 Samuel 2:17

Gai haisala o luu dama laa gu kona mmao de baubau i mada luu mada o Tagi Maolunga; go hiidinga gilaau gu hagangadi mee ssigidaumaha a Tagi Maolunga.