Matthew 18:6 - De Beebaa Dabu

⁶ Aagai be goai e haia ga haisala dahi dangada maolalo bee nei gi hagadonusia laa, gai e danuaa donu de nnoa ange dahi hadu mmili laumalie gi dono ua, ga tili ia gi lo te moana gelo.

Matthew 18:6 Iomraidhean Croise

Psalm 105:15

“Goodou e dee poo ange gi gilaadeu aagu gu hagadabu i de lolo, gai gi dee hagammae ina ogu pelaabisi.”

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Zechariah 2:8

Gai e hagadaba Tagi o denga hagabuulinga hebagi: Dua dana hai gi hano au i dono mahamaha gi denga huaahenua ne haia gi de mahi oodou mee — go hiidinga be goai e poo adu gi goodou e poo ange donu gi tama legalega eidu o dono ganomada —

Matthew 17:27

Gai go hiidinga gidaau e dee llodo e hagadaemaha gilaadeu, hannoo magaa dau uga gi lo te vai. Gai koe ga kave de mamu hugadoo aau e hhudi i mua ga hhanga dono ngudu, gai koe e gidee naa dahi stater i lo tono ngudu. Gai koe ga kave ga gaavange gi gilaadeu e hagao ai odaau taagisese.”

Matthew 18:10

“Goodou dagidiiloo gi dee hagangadi mee ina e goodou dahi dangada maolalo bee nei. Go hiidinga au e hai adu gi goodou, bolo olaadeu dangada de langi e gidee luu mada o dogu Damana i de langi i masavaa alodahi.

Matthew 18:14

E bei ai hogi lodo o doodou Damana i de langi laa, ia e dee lodo donu gi magau dahi dangada maolalo bee nei.

Matthew 18:5

Be goai e abodonu ange gi dahi gauligi damaa mee bee nei i hiidinga dogu ingoo, gai ia e abodonu mai donu gi de au.

Mark 9:42

“Gai be goai e haia ga haisala dahi dangada maolalo bee nei gu hagadonusia au, gai e danuaa ange donu de nnoa ange dahi hadu mmili laumalie gi dono ua, ga tili ai ia gi lo te moana gelo.

Acts 9:5

Gai a Paul ne ssili ange, “Tagi Maolunga, go koe goai?” Iesu ne hai ange, “Go au donu go Iesu aau e vaivai hai naa.

Romans 14:21

Gai e danuaa ange taadeu dee gai giidagi be go de unu denga uvaini, aabe go de hai dahi mee daudahi e hidi mai ai laa de haisala o doo daina.